Blog

ni  Maricris Valdez Nicasio

[divider]

KAMAKAILAN ay ipinakita na ni Zsa Zsa Padilla sa madlang pipol ang bago niyang boyfriend sa katauhan ni architect Conrad Onglao. Isinama niya si Onglao sa katatapos na Arise concert ni Gary Valenciano sa Smart Araneta Coliseum.

Ayon sa balita, si Sharon Cuneta ang dahilan ng pagkakakilala ng dalawa. Ang aktres daw kasi ang nagbigay ng mga cell number ng mga ito sa isa’t isa at doon na nagsimula ang blind date nina Zsa Zsa at Conrad.

Pero may mga balita ring lumalabas na umano’y may pagka-playboy si Conrad at marami nang nai-date na beauty queens. Totoo kaya ito?

Samantala, may nasagap naman din tayong balita mula sa mapagkakatiwalaang source na rati palang boyfriend ng singer/aktres na si Pops Fernandez itong si architect Conrad. Hindi lang nasabi ng aming source kung nagtagal ba ang relasyon ng dalawa.

Bukod kay Pops, naging karelasyon din daw ito ng dating asawa ni basketball player Francis Arnaiz at dating fashion model na si Susan Reyes.

ni  Maricris Valdez Nicasio

[divider]

SA Sabado, April 26, isang espesyal na show ang magaganap sa Wicked Bar. Tampok sina Gerald Santos (ang Prince of Ballad at GMA 7’s Pinoy Pop Superstar Season 2 Champion), ang Mannequins, at mga impersonator at stand-up comedian mula sa The Library (Malate), kaya tiyak na isang gabi ito na punumpuno ng kantahan, tawanan, at entertainment.

Bukod sa mga special show na tulad nito, regular na itinatampok ang mga fashion show, bikini open, group dancers, bands at sexy male and female ledge dancers na mga ipinagmamalaking atraksiyon ng Wicked Bar.

Ang Wicked Bar ay matatagpuan sa # 888 Ninoy Aquino Avenue , Brgy. San Dionisio, Parañaque City , with telephone # (02) 952-4315.

Kaya kung gusto ninyong maaliw, go na kayo sa Wicked Bar.

ni  Pilar Mateo

[divider]

LUKANG-LUKA ang isang comedian o sing-along master sa kanyang handler sa isa pa namang kinikilalang management company sa industriya.

Ang say sa akin, ”Teh, ‘di ba naman napaka-unethical na ang handler mo pa ang siyang magiging Galema mo sa syota mo? ‘Di ba dapat may semblance naman ng respetuhan?”

Ang lalaking sinasabi niyang inahas sa kanya eh, may ilusyon din naman pala kasing mag-artista at na-shock pa nga ang komedyante ng sa isang event eh, doon na niya nakaharap ang papa niya na siya sana niyang driver pero kasama na pala ng nasabing handler.

Harap-harapan ang Galemahan, ha!

Talo ng ahas ang dinosaur. Ganoon ba ‘yun? At ang handler naman, ‘di porke’t naipaubaya na ng pinaka-head niyo ang management, mambabalahura na kayo ng mga tao.

Baka ang buwelta niyan talikuran na lang kayo ng lahat.

ni ROMMEL PLACENTE

[divider]

ANG husay-husay ni Carlo Aquino bilang kontrabida sa defunct drama series na Anna Liza. Lutang na lutang ang akting na ipinamalas niya rito.

Wala pang bagong serye si Carlo sa Dos after mamaalam sa ere ang Anna Liza. Sana ay mabigyan ulit siya.

Ang mga katulad niyang mahusay na aktor ang dapat laging binibigyan ng serye, ‘di ba?

ni  Alex Brosas

[divider]

NAGING trending topic ang #RespectDJslips nang hindi sinasadyang mahalikan si Daniel Padilla sa lips ng isang female fan.

Nagkagulo sa studio noong Sunday nang kantahin ni Daniel ang Rey Valera hit na Kumusta Ka sa ASAP 2014. He was mobbed by female fans na humalik at yumakap sa kanya. There is this one girl na masuwerteng nakahalik sa labi ng binata. Hindi na nga natapos ni Daniel ang kanyang pagkanta dahil sa pagkakagulo sa kanya ng fans.

Nag-number one trending topic ang #RespectDJslips sa Philippine Trends and fifth trending topic on Worldwide Trends.

Not surprisingly, ang daming nang-bash sa girl.

“Grabe naman talaga. #RespectDJsLips.”

“Ang kay BERNARDO ay kay BERNARDO! =ØÞ ’#RespectDJsLips.”

“omg baby ko 🙁 #RespectDJsLips.”

Ilan lamang ‘yan sa mga nambash sa female fan ni Daniel pero mayroon ding kumampi sa girl.

“#RespectDJsLips CHEEEH!!!! insecure lang kayo.. if i know you’ll do the same thing if there’s a chance.. mga epokrita!!! Hahaha.”

“What’s done cannot be undone. I think KathNiel fans should accept what happened and leave the girl alone. Masyadong OA eh. #RespectDJsLips.”

“Inggit lang ang fans ni Daniel na hindi naka-kiss sa binata. “#RespectDJsLips Haha, madaming naingit.”

‘Yan naman ang comments ng mga kumampi sa girl.

ni  Alex Brosas

[divider]

OBVIOUS na si Marian Rivera ang blind item na lumabas recently sa Fashion Pulis.

The item is about a female star na naimbiyerna nang malamang matsutsugi na ang soap opera dahil hindi nagre-rate at palaging kaunti ang commercial.

Nagtaray daw ang female star at sinabi umano na kaya hindi nagre-rate ang kanyang teleserye ay dahil hindi ito well-promoted, hindi katulad ng soaps sa kabilang network na todo ang promotion. Parang sinabi niyang inutil ang promo ng kanilang network.

Napapayag lang daw ang hitad na matsugi ang kanyang soap kung unang matitigbak ang teleserye na pinagbibidahan ng isang hot mama, obviously referring to Jennylyn Mercado.

Ang executives ng network naman ay tila natakot sa female star kaya ang naging solusyon ay i-extend na lang ang soap nito. Ang hiling lang ng hitad ay dapat matsugi ang soap ng isang female celebrity sa kabilang network ay okay lang sa kanya. Obvious bang si Angel Locsin ang tinutukoy dito?

Actually, kaliwa’t kanan ang promotion ng soap ni Marian, ang daming publicity kaya lang hindi ito nagta-translate sa rating. Hindi rin sila bagay ni Alden Richards dahil mukhang mas matanda talaga si Marian kaysa binata.

Naku, baka magwala na naman sa galit si Rams David, ang kasama lagi ni Marian anywhere she goes. For sure ay maiimbiyerna rin sa item na ito ang isang reporter na Marian defender.

And Marian fans will surely lambast us again dahil sa item naming ito. But we don’t care.

Marian, ikaw nga ba ang blind item sa Fashion Pulis?  Pakisagot nga!

ni  Reggee Bonoan

[divider]

HETO na naman si Kris Aquino, talk of the town na naman ang bago niyang hairstyle na napanood ng netizens noong Lunes ng gabi sa Aquino & Abunda Tonight.

Dahil sa bagong hitsura ni Kris, nag-trending worldwide agad ito kaya trulili na maraming nanonood ng programa nina Kris at Boy Abunda.

Samantala, ang ilan sa mga nag-post, “@Emer Complido Honestly, Kris Aquino is so stunning with her new hair! I really love it! LOOOOOVE IT!

@KaesSorry, but I really have to say this! I like kris aquino’s new hair cut! Hahahaha

@DovenPitoyWanna go to barbershop and tell the barber “I want that kris aquino hair style!”

@DianaRoseVillegasThinking if I should cut my hair again like Kris Aquino’s. Low maintenance but so chic.

@JanickaaAstig nung buhok ni kris aquino!!!! Bumata sya ng mga 15yrs.”

Grabe Ateng Maricris, libo-libo ang komento sa hairstyle ng Queen of All Media kaya tinanong namin si Alvin Cagui na handler ni Kris kung kung ano ang tawag sa hairstyle ni Kris, “ay hindi ko alam kasi sila-sila (Kris at Jing Monis-hairdresser) lang ang nag-style, sabi lang ganito-ganyan ang gusto ko. Baka may ginayahan,” sagot sa amin.

At dahil sa pagbabagong anyo ni Kris ay tinanong ni Kuya Boy kung may pinagdaraanan ang co-host niya sa AA kaya nagpagupit.

Mabilis na sabi ni Tetay, “tapos na.” At dagdag pa, “time for a change.

“’Pag may pinagdaraanan ka, it’s appropriate. The shortest hair I’ve had since child birth. Oo, why not, ‘di ba? Kasi some men say that short hair is hot and sexy,” say ni Kris.

Iba ang gustong marinig na sagot ni Kuya Boy, “why can’t we not talk about it when people are watching you for the first time in your shortest (hair), sabi mo?”

Pero magaling umiwas si Kris, “I was not prepared to talk about that. I was only prepared to talk about my hair.”

At habang ginugupitan pala si Kris sa parlor ni Jing Monis ay nag-post na siya sa kanyang Instagram ng quote mula sa kilalang designer na si Coco Chanel ng, “A woman who cuts her hair is about to change her life.”  At sabay dugtong ng, “I cut off more than a foot, so I’m super ready for my life change!”

Samantala, tinanong namin si Alvin kung hindi ba makaaapekto sa ini-endosong shampoo ni Kris ang pagpapa-ikli niya ng buhok.

“Hindi naman, may buhok pa naman siya, ‘di ba?” sabi sa amin.

Hindi ba magagalit ang ad agency na may hawak ng shampoo ad ni Kris dahil hindi ba’t nasa kontrata na bawal magpagupit.

“Ay ewan ko, sina tito Boy (Abunda) ang may alam niyan,” sabi sa amin ni Alvin.

At ang sagot ni Kuya Boy sa amin, “wala pa naman nagko-complain but I don’t think it’s gonna be a problem,” katwiran sa amin ni Kuya Boy.

In fairness Ateng Maricris, maraming komentong nagsabi na magiging busy ang mga parlorlista ngayon dahil tiyak na ipapagaya ng mga customer nila ang bagong hairdo ng Queen of All Media.

Ikaw, type mo ring magpagupit?

[divider]
ni  Reggee Bonoan

[divider]

NAKIPAGSABAYAN na rin sa trending worldwide ang singer/actress na si Angeline Quinto dahil sa mga larawan niyang naka-post sa social media na may kasamang lalaki na hindi kilala.

Inisip ng iba na may boyfriend na si Angeline na ayaw lang niyang aminin dahil nga nasa showbiz siya at marahil pagkakataon ng guy ito kaya pinost niya ang mga larawan nila ng dalaga sa account niya.

Maraming bumatikos kay Angeline dahil hindi man lang daw iginalang ng dalaga ang Semana Santa samantalang ang iba ay nagtitika.

Kinunan namin ng reaksiyon ang handler ni Angeline na si Caress Caballero, “ha, ha, ha, birthmate nasa pool kaya naka-two piece,” sagot sa amin.

Samantala, wala palang idea si Angeline na lalabas sa social media ang mga litrato nila ng kasamang lalaki.

Kuwento sa amin ng taong malapit kay Angeline, “album producer ng Star Records ‘yun, si Rox Santos.

“Nagulat siya kasi hindi niya alam na lalabas sa social media, alam niya for personal use lang kasi nga magkakaibigan silang lumabas noong Holy Week sa Boracay, eh, hayan, kumalat. Hindi nga alam niyong bata kung ano ang gagawin niya kasi hindi ipinagpaalam sa kanya. Tapos hayan dami pa nega reactions.”

Ano ba ni Angeline si Rox Santos? “Wala kaibigan lang, hindi naman niya boyfriend ‘yun. Bad trip nga si Angeline,” iritableng sabi sa amin sa kabilang linya.

Tinext naman namin ang manager ni Angeline si Erickson Raymundo tungkol dito na wala raw pahintulot ang dalaga na ilabas sa social media ang mga litrato, “yup, hindi ko pa nakakausap (Angeline).”

Oh well, at least sikat si Angeline, pinag-uusapan lahat ng kilos niya. Teka, ang sexy ni Angge in her two-piece black bikini.

ni  Nene Riego

[divider]

DAHIL sa aksidenteng kinasangkutan habang nagsusyuting ng Kapamilya summer station ID ang machong actor na si John Loyd Cruz na baka accident prone siya ay ‘di siya nag-out of town with friends gaya ng mga nagdaang Holy Week.

Sa bahay lang siya at nagpahinga bilang paghahanda sa resumption mga syuting ng kanyang bagong pelikulang The Trial na ang kasama niya’y sina Richard Gomez at Gretchen Barreto.

May ilang araw nang nag-syut ang Star Cinema movie pero nahinto nga ito dahil Semana Santa at tigil-trabaho sa industriya. Tayming naman dahil may ilang revisions daw na kailangang gawin sa script.

ENGLISH TITLE SA MGA SERYE, USO

WALA ba kayong napupuna? Uso ngayon na English ang titulo ng mga programa sa TV (tulad ngMy Husband’s Lover, The Borrowed Wife,  The Half Sisters, atbp.) at pelikula (It Takes A Man And A Woman,  My Other Woman, Da Obssessed, etc.).

Puna tuloy ng isang kakilala naming senior citizen, ”Filipino ang mga pelikula at programa pero bakit banyaga ang titulo?’

For the record, box office hit ang mga movie ni JLC na ang katambal niya’y sina Bea Alonzo, Sarah Geronimo, Angel Locsin, at Toni Gonzaga. Ganoon din kaya ang maging resulta sa takilya ng project niya with Greta and Goma?

BALITANG PAGIGING WALANG KWENTANG TAO NI GEOFF,GAWA-GAWA LAMANG

AYAW nang magsalita ni Carla Abellana tungkol sa split nila ni Geoff Eigenmann. ‘Di nga raw alam ng Del Monte Kitchenomics host kung bakit ang daming isyung lumabas na tila exposing dirty linens in public ang tema.

“Hindi ko alam kung saan galing ang mga ‘yon. Totoong umamin  ako na hiwalay na kami ni Geoff pero never kong binanggit na wala siyang kuwenta at walang ambisyon sa buhay. Gawa-gawa na lang siguro ‘yon ng ibang taong gustong palakihin pa ang gusot,” say ng magandang aktres.

Kung siya raw ang tatanungi’y mas gusto niyang maging friends pa rin sila ni Geoff. After all, may pinagsamahan sila sa mahaba-haba rin namang panahon.

PACMAN, ‘DI PA NANGANGARAP NG MATAAS NA POSISYON

KAHIT Biyernes Santo dumating ng GenSan si Rep. Manny Pacquiao, mainit ang naging pagtanggap sa kanya ng mga kababayan.

Ayon kay Pacma’y ‘di pa siya magreretiro at patuloy pa rin ang laban sa ring. Sa isang interbyu’y sinabi niyang malayo rin sa isip niya ang tumakbong pangulo ng bansa sa 2016. ”Marami pa tayong kakaining bigas bago mangarap ng pinakamataas na posisyon sa bansa.”

Bago pa siya kuwestiyonin ng BIR tungkol sa buwis na dapat ibayad sa kinita sa huling fight kayTimothy Bradley ay ipinaliwanag niyang bago niya mahawakan ang kinita’y daraan na ‘yon sa Internal Revenue ng USA. Maliwanag ‘yan, ha?

JONALYN, PAPALIT DAW SA TRONO NI REGINE

MISMONG sa bibig ng Songbird na si Regine Velasquez-Alcasid nanggaling na ang tiyak na papalit sa kanya kapag naipasiya niyang magretiro ay si Jonalyn Viray na isa sa La Diva (kasama nina Aiucelle Santos at Maricris Garcia).

Sa mismong concert ni Jonalyn titled Fearless ito sinabi ni Mrs. Ogie na naging guest t sa nasabing event. Sa pagkakatanda nami’y si Regine ang host ng Pinoy Pop Superstar na si Jonalyn ang itinanghal na kampeon.

‘Di man sinasadya ni Jonna na gayahin ang kanyang idolo, ‘di maiwasan ito dahil sa timbre at taas ng boses, style at porma’y talagang Regine ang dating nito.

Ang Fearless ay napanood sa GMA-7 slot ng SNBO (Sunday Night Box Office) noong Linggo.

ni  Nonie V. Nicasio

[divider]

NAG-CELEBRATE ng 22nd birthday si Marion Aunor noong April 10 at inusisa namin siya kung ano ang kanyang birthday wish. Ayon sa dalaga ng dating teenstar na si Ms. Maribel Aunor, kabilang sa wish niya ay ang matupad ang kanyang mga pangarap sa buhay.

“My wish is just to have a life full of genuine people, love from friends and family, and to see my dreams come true,” saad ng talented na singer/composer.

Isa si Marion sa naging finalists sa katatapos na VJ search sa MYX, although hindi siya pinalad na manalo rito , nakatutuwa ang kanyang pagiging positive lalo na pagdating sa kanyang showbiz career.

Sinabi ni Marion na kahit hindi siya sinuwerteng maging VJ, sobra raw siyang natuwa sa experience niyang ito.

“Yes, nag-enjoy naman po ako sa competition. I think it was a great learning experience and I love that. I also got to have a new set of friends, sila iyong the other finalists and behind the scenes people of MYX. I’m just glad I was given the opportunity.”

Idinagdag pa ni Marion na balak niyang mas magfo-focus ngayon sa kanyang first love, ang musika.

“Now, I think I’m going to refocus on my first love which is music… especially since nag-click po yung aking dalawang composition na Do Do Do and Take A Chance dahil na feature siya sa debut ni Kathryn Bernardo.”

Ang tinutukoy ni Marion dito ay ang kanyang komposisyon na Do Do Do atTake A Chance, ang naturang mga kanta na kabilang sa self-titled album ni Marion ay ginamit na music sa ipinalabas na TV special ni Kathryn noong ipagdiwang ng teenstar ang kanyang debut o 18th birthday.

Actually, maraming nakapanood sa TV special na ito ni Kathryn ang nagandahan sa kanta ni Marion. Na ang ibig sabihin, kailangan lang na ma-promote nang husto ang mga kanta ni Marion para mas maging aware ang publiko kung gaano ito kaganda o kasarap pakinggan.

Ibig sabihin ba ng magpo-focus sa music ay gagawa ka ulit ng magagandang kanta?

“Well gusto ko po talaga i-promote yung two songs ko na ‘yun, at the same time, natapos ko na rin po ‘yung first Filipino song na nasulat ko.

“Hopefully I’ll be recording it soon… I’m still planning kung ano po iyong best move for me right now.”

MAJA SALVADOR, ‘DI MAKAPANIWALANG RECORDING ARTIST NA SIYA

AMINADO si Maja Salvador na hindi siya makapaniwala na mayroon na siyang sariling album. Ang title ng album ni Maja ay Believe at sobra siyang natutuwa dahil sa magandang feedback sa kanyang single na pinamagatang Dahan-Dahan.

Sinabi ni Maja na pangarap niya talagang maging total performer na hindi lang kumakanta o sumasayaw o umaarte.

Sa kabilang banda, ipinahayag din niyang ready siya sa ilang bumabatikos sa kanyang pagiging singer.

“Sobrang ano, tanggap ko na iyan, saka expected ko na iyan kasi nakikita nila ako sa ASAP sayaw ng sayaw and then biglang magugulat, ‘Bakit?’

“Pero sana bigyan nyo ako ng chance, kasi as an artist po ‘di ba, ikaw mismo mag-e-explore ka at magta-try ka ng ibang talent na puwede? Isa akong example na naniniwalang believe and it will happen ‘di ba? Para sa akin, sa buhay kung paniniwalaan mo iyong pangarap mo at hindi mo bibitawan, mangyayari at mangyayari iyon,” saad pa niya sa isang panayam.

ni  Peter Ledesma

[divider]

Bulong ng isang malapit na informant, matrona killer raw ang bagong karelasyon ngayon ng sikat na Diva. Yes, bukod sa pinakasalan noon at ina ng kanyang mga anak na nakahiwalayan na, na-ging dyowa rin daw ng pinag-uusapang lalaki ang sikat na singer-actress na dekada ng hiwalay sa kanyang mister na concert performer. Bago ang chikang ito, dahil wala  pa naman inaamin si nasabing singer na naging boyfriend niya ang Papa ngayon ng respetadong Diva. Saka, ang alam namin mahilig sa bagets ang nasabing babae pero pumatol rin  pala siya sa may edad. Sa tanong kung nahiga ba sa salapi si singer-actress noong mga panahong karelasyon niya ang tinutukoy nating guy? Sabi hindi naman daw at ‘yung mga connect pa ang nagamit. Kasi nga kilala sa kanyang larangan kaya marami ang nagtitiwala at bilib sa kanya. May isa pang girl na binanggit ang ating kausap at naging siyota rin daw ng lalaking special ngayon sa buhay ng maganda at  sexy Diva. Ramdam ng ating impormante hindi rin magtatagal ang relasyon ng dalawa at magkakahiwalay rin sila.

Well, let’s wait and  see na lang gyud!

Adrian At Nicole Mahuhuli Na!

ANGEL LOCSIN, KINIKILABUTAN SA MGA EKSENA SA “THE LEGAL WIFE”

Mismong si Angel Locsin ay napapabilib sa mga mapupusok na eksena at matatapang na linyang itinatampok nila sa pinakasinusubaybayang ‘TV affair’ ng ABS-CBN na “The Legal Wife.” “Kakaiba ang mga linya na sinusulat ng mga writer namin. Kahit kaming mga artista ay kinikilabutan kahit pagkatapos naming gawin ang mga eksena,” ani Angel na kilala na ng mga manonood bilang si Monica Santiago-De Villa, ang misis ni Adrian (Jericho Rosales) na may lihim na relasyon kay Nicole (Maja Salvador). “Maganda si-yang panoorin ng mga mag-asawa at kahit ng mga mag-boyfriend pa lang. Mara-ming nakare-relate na viewers sa characters namin. Ako mismo ay maraming  natututunan sa show katulad ng paano i-handle ang pagseselos,” paliwa-nag ng Kapamilya actress. Bagama’t nauunawaan ang mga manonood na naiinis at nanggigigil kina Adrian at Nicole, nilinaw ni Angel na walang ibang hangarin ang kanilang teleserye kundi ang makapagbahagi ng isang istoryang ka-pupulutan ng aral. “Hindi naman tayo nandito para manghusga. Nandito ang ‘The Legal Wife’ para maghatid ng isang magandang kwento na magbibigay ng inspirasyon at pag-asa sa mga pamilyang dumaraan sa pagsubok,” pahayag ni Angel. Magaganap na sa Miyerkoles at Huwebes (Abril 23 at 24) ang pinakahihintay na komprontasyon nina Monica, Adrian at Nicole kaya huwag palampasin ang most followed ‘TV affair’ ng bayan, “The Legal Wife” pagkatapos ng “Ikaw Lamang” sa Primetime Bida ng ABS-CBN. Para sa karagdagang impormasyon, bisitahin lamang ang opisyal na website ng programa sa www.thelegalwife.abs-cbn.com at ang social networking sites na Facebook.com/thelegalwife2013, Instagram.com/iam_thelegalwife,  at Twitter.com/IAmTheLegalWife.

MAKI-SELFIE SA EAT BULAGA AT MANALO ARAW-ARAW NG 5 K AT PERSONALIZED JACKET & SHIRTS

Usong-uso ang selfie kahit saan, at  kung ano-anong gadgets na ang naglalabasan para sa mahihilig sa selfie shots. S’yempre  ang ating Dabarkads lalo na ang avid viewers ng Eat Bulaga ay hindi pahuhulli pagdating d’yan. Sa katuna-yan araw-araw ay padami nang padami ang mga sumasali sa Eat Bulaga Selfie Selfie. Para maka-join ay manoood sa Eat Bulaga, at abangan ang announcement o instructions ng EB host kung anong post ang dapat ninyong gawin. Kapag alam mo na aba’y agad na i-post ang pinakamaganda mong selfie picture sa Official Facebook Fan Page ng Bulaga, sa kanilang Twitter at Instagram Account at may chance kayo to win cash prize, personalized  EB jacket at t-shirt. Everyday ay may isang mananalo ng 5K and jacket at lima ang puwedeng magwagi ng 1K each at shirts. Kaya ano pa ang hinihintay ninyo, kapag wala kang ginagawa sa house, open na ang camera sa cellphone o anomang gadget at kunan ang sarili at malay ninyo, kayo na ang susunod na winner sa pakontes na ito ng Eat Bulaga.

By the way, makikita ang listahan ng lahat ng winners sa mismong FB account ng EB at magdala lang ng valid ID sa pag-claim ng inyong premyo.