Friday , March 29 2024
Bulabugin ni Jerry Yap
Bulabugin ni Jerry Yap

Mining ban ni PNoy ‘binawi’ ni Digong

SA PAMAMAGITAN ng Executive Order No. 130, tinanggal ni Pangulong Rodrigo Duterte ang moratorium sa bagong mining agreement na kanyang nilagdaan nitong nakaraang 14 Abril 2021.

Sa nasabing EO, tahasang binaliktad ang bahaging  nilagdaan noong 2o12 ni dating pangulong Benigno Aquino III, na nagbibinbin sa paglagda sa mga bagong kasunduang mineral — hangga’t walang makatuwiran at makatarungang batas na nagtatakda ng ‘revenue sharing schemes and mechanisms.’

Pero dahil wala umanong batas na nagsasabi no’n, ipinamahala ni Pangulong Duterte sa Department of Environment and Natural Resources (DENR) ang umano’y ‘batas’ na inaasahan dito.

Ibig sabihin ang EO 130 ni pangulong Duterte, ang magtatanggal sa mga restriksiyon sa mining sector na ipinairal noong 2017, kaya ipinasara ang 26 mining operations ng dati at yumaong environment secretary, na si madam Gina Lopez.

Ibig sabihin, lahat ng mga pinaghirapan ni Ms. Lopez, at ng mga nauna sa kanyang may malasakit sa kapaligiran ay mababelewalang lahat?

Ano ba ‘yan, tipong uwian na ba at kailangan nang samsamin ang lahat ng puwedeng baunin sa pagtatapos ng kanilang termino?!

Arayku!

Hindi natin akalain na sa ganito mag­wawakas ang administrasyong iniluklok ng 16 milyong Filipino.

Sabi nga ng kahuntahan nating si Ba Tasyo: “Yumaman na sa pamomolitika, sasairin pa ang likas na yaman ng bansa?! Wala bang kabusugan ang mga ‘buwaya’ sa gobyerno ngayon?”

Mantakin ninyo, nag-community pantry na ang mga mamamayang nagugutom dahil walang alam na solusyon sa pandemya kundi ‘lockdown’ at sa gitna niyan ay biglang tinanggal ang mining ban?

Saan dadalhin ng mga ‘hidhid’ sa gobyerno ang ating bansa at ang sambayanan?!

Hindi na natakot sa ‘paramdam’ ng panahon heto’t nakuha na namang linlangin ang sambayanan?

Sana lang, kung hindi natatakot ang mga hindoropot na magnanakaw at mandarambong  sa gobyerno, kalikasan na ang humusga sa inyo.

Mga hidhid!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *