Saturday , September 25 2021

Curfew hours ‘di nasusunod

ALAM natin na ang pagdedeklara ng curfew hour mula 10:00 pm hanggang 5:00 am ay nasa guidelines ng bawat local government units (LGUs), pero tila hindi na ito nasusunod.
 
Marami pa rin ang nagkalat sa lansangan sa ganoong oras, mayroong checkpoints na nakapuwesto sa piling lugar, pero mukhang walang umiikot na foot patrol ang pulisya na dapat ay pumapasok sa mga eskinita para tiyakin na walang lumalabag sa itinakdang curfew hour.
 
Sa Pasay at Baclaran, nakikita ang mga natutulog sa sea wall sa bahagi ng Roxas Blvd., mga ‘pulubi’ na natutulog sa bangketa.
 
May pinipili? Kasi walang ID na maipakikita o walang pantubos? Dapat handa ang bawat local government sa mga ganitong sitwasyon. Kaya nga ang tanong ng marami, bakit ang mga nagsasabing ‘pulubi’ sila ay exempted ba sa CoVid-19 virus?
 
 
SPUTNIK V VACCINE SA PARAÑAQUE CITY
 
Ubos na ang Sinovac para sa first dose at para sa second dose ang natitira, kaya Sputnik V ngayon ang vaccine na ipinamamahagi ng lokal na pamahalaan ng Parañaque City.
 
Puspusan ang pagkakaloob ng CoVid-19 vaccine sa naturang lungsod. Tiniyak ni Meyor Edwin Olivarez, lahat ay mabibigyan ng vaccine upang makapamuhay nang maayos ang kanyang constituents.
 
Ganoon din sa lungsod ng Pasay, walang tigil ang pag-iikot ni Mayor Emi Calixto-Rubiano, hindi alintanang minsan ay nahawaan siya ng CoVid-19 virus.
Sina Mayor Edwin at Mayor Emi, mga alkalde ng magkatabing lungsod ng Parañaque at Pasay ay nagkakaisa na maprotektahan ang kani-kanilang siyudad laban sa CoVid-19 virus.
 
Isumbong mo
kay DRAGON LADY
ni Amor Virata

About Amor Virata

Check Also

YANIG ni Bong Ramos

Community quarantine to alert level pangalan lang ang nagbabago ngunit walang pagbabago

YANIGni Bong Ramos ANO na naman kaya ang bagong patakarang ipatutupad ng ating gobyerno matapos …

Leave a Reply

Your email address will not be published. Required fields are marked *