Friday , March 29 2024

No mask Christmas, target ng Palasyo

KOMPIYANSA ang Palasyo na mararanasan ng sambayanang Fiipino ang “no mask Christmas” bunsod ng pagsusumikap ng pamahalaan na mapigilan ang pagkalat ng CoVid-19 sa bansa.

Kinatigan ni Presidential Spokesman Harry Roque ang paghimok sa pamahalaan at publiko ni Father Nicanor Austriaco, isang Dominican priest, at tanyag na microbiologist expert, upang magtulungan para maranasan sa Filipinas ang “no mask Christmas.”

Si Austriaco ay University of Santo Tomas biological sciences professor, OCTA Research fellow, nagtapos na summa cum laude sa BioEngineering sa University of Pennsylvania, may doctorate degree sa Biology sa Massachusetts Institute of Technology, professor sa Biology sa Providence College sa Rhode Island, USA, may laboratory na pinopondohan ng National Institute of Health.

Ani Austriaco, kailangan ng Filipinas ng 33 milyong doses ng CoVid-19 vaccine upang masugpo ang virus at 52 milyon doses para makamit ang herd immunity.

Paliwanag niya, “sa Metro Manila laging nagsisimula ang pagtaas ng kaso ng CoVid-19 kaya’t kapag nagkaroon ng herd immunity sa National Capital Region (NCR) plus eight na sakop ang Metro Manila, Bulacan, Batangas, Cavite, Laguna, Pampanga, Rizal, Metro Cebu at Metro Davao, magkakaroon ng proteksiyon ang buong bansa.

“So how long will it take? We calculated: If 250,000 (vaccine doses administered) per day, we will get to containment in October and herd immunity in November. And this is a realistic and attainable goal for all of us. So we have to imagine as a country a no-mask Christmas,” ani Austriaco sa Malacañang virtual press briefing kahapon.

“Can we have a no-mask Christmas? What would it look like? It would look like what it was before… When that happens, we can begin to lift social distancing and masking arrangements… This is something that we can imagine. Let us all do this together, where we achieve herd immunity – the NCR plus eight by Christmas and the rest of the country, by sometime next year,” dagdag niya.

Ang pagsugpo aniya sa CoVid-19 ay magbibigay proteksiyon sa Filipinas laban sa mga susunod na pagkalat ng virus at magbibigay daan sa pagbubukas ng ekonomiya at pagkikita ng mga vaccinated persons nang walang mask.

Kahit may maganap na oubreak sa panahon ng pagsupo sa CoVid-19, mahihirapan ang virus na kumalat nang husto sa populasyon.

Upang makamit ito, kailangan ang 33.5 milyon bakuna para sa 16.65 milyong katao na bumubuo ng 45% populasyon ng NCR plus eight.

Habang sa herd immunity, mabibigyan ng proteksiyon mula sa virus ang mga taong hindi pa bakunado, magugutom ang virus at maaaring bumalik ang pamumuhay sa old normal.

Sa herd immunity, kailangan ang 51.8 milyon doses para sa  25.9 milyon katao o 70% populasyon ng NCR plus eight.

Giit ni Austriaco, kapag nasugpo o mangyari ang containment ng virus, magkakaroon ng “maskless Christmas” sa bansa.

“We have the capacity as long as we have the supply,” ani Austriaco.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *