Saturday , September 25 2021

Vice mayor patay sa pamamaril, 2 sugatan sa Zambo Sibugay

BINAWIAN ng buhay ang bise alkalde ng bayan ng Mabuhay, lalawigan ng Zam­boanga Sibugay, habang sugatan ang dalawang iba pa, sa pamamaril na naganap sa Brgy. Poblacion, sa naturang bayan, nitong Biyernes, 26 Pebrero.

Sa paunang ulat mula sa Police Regional Office 9, naganap ang insidente ng pamamaril dakong 3:05 pm.

Kinilala ang napaslang na biktimang si Vice Mayor Restituto Calonge, at mga sugatang sina Engr. Edgar Pampanga at Hdj. Abduhari Gapor.

Ayon sa ulat, nag-uusap ang tatlong biktima malapit sa munisipyo nang may lumapit na isang lalaki saka sila pinapu­tukan ng baril kung saan tinamaan sila sa iba’t ibang bahagi ng mga katawan ang mga biktima.

Agad binawian ng buhay s9 Calonge saman­tala dinala sina Pampanga at Gapor sa pagamutan.

Base sa narekober na mga basyo ng bala sa pinangayrihan ng insiden­te, ginamitan ng kalibre .45 pistol ang mga biktima.

Agad tumakas ang suspek sakay ng motor­siklo matapos ang pama­maril.

Nagkasa ang Mabuhay Police Station (MPS) ng hot pursuit operation upang masukol ang gunman.

(ALEX MENDOZA)

About Alex Mendoza

Check Also

092421 Hataw Frontpage

Pag-asa, paghilom (Kailangan ng bansa) – Doc Willie

ni ROSE NOVENARIO NAGBALIK ang pag-asa na mapapalitan ng luha ng kaligayahan ang naranasang kapighatian …

Leave a Reply

Your email address will not be published. Required fields are marked *