Saturday , September 25 2021

Tulak dinakma ng parak sa buy bust

NASAMSAM ng mga awtoridad ang mahigit P.1 milyong hinihinalang shabu mula sa isang drug suspect na naaresto kamakalawa sa Makati City.
 
Nasa kustodya ng pulisya at nahaharap sa kasong paglabag sa Section 5 and 11, Art. II of R.A. 9165 (Comprehensive Dangerous Drugs Act of 2002) ang suspek na si Ernesto Macaraig, Jr., 38 anyos.
 
Base sa report ng Makati City Police, dakong 1:50 pm nang mahuli ang suspek sa tinitirahan nito sa panulukan ng La Banda St. at Lower San Nicolas St., Brgy. Guadalupe Nuevo.
 
Batay sa ‘tip’ na natanggap sa isang impormante hinggil sa pagbebenta ng droga, agad silang nagkasa ng buy bust operation laban sa suspek.
 
Isa sa mga operatiba ng Makati City Police ang nagpanggap na poseur buyer at nang magpositibo ay dito na inaresto ang suspek.
 
Nakuha kay Macaraig ang nasa 20 gramo ng hinihinalang shabu na nagkakahalaga ng P136,000. (JAJA GARCIA)

About Jaja Garcia

Check Also

092421 Hataw Frontpage

Pag-asa, paghilom (Kailangan ng bansa) – Doc Willie

ni ROSE NOVENARIO NAGBALIK ang pag-asa na mapapalitan ng luha ng kaligayahan ang naranasang kapighatian …

Leave a Reply

Your email address will not be published. Required fields are marked *