Thursday , March 28 2024

Sa palpak na pamimigay ng P1K allowance sa PLM, Isko nag-sorry

HUMINGI ng paumanhin si Mayor Francisco “Isko Moreno” Domagoso sa mga magulang ng mga mag-aaral sa Pamantasan ng Lungsod ng Maynila (PLM) dahil sa sablay na distribusyon ng P1,000 monthly allowance ng mga mag-aaral kama­kailan.

Lubos ang pasasalamat ni Mayor Isko kay Universidad de Manila (UDM) president Malou Tiquia dahil sa maayos na pamimigay ng parehong halaga ng allowance sa mga estudyante ng UDM.

Aniya, “To the UDM family, to President Tiquia, to the men women and officers of UDM, thank you,”  sinamantala na rin ng Alkalde ang paghingi ng paumanhin sa nangyaring kapalpakan sa PLM.

“Sa mga nanay at tatay ng PLM students, ako po ay humihingi ng pasensiya sa inyo. Sa PLM students na nanonood, please share this broadcast… pasensiya na kayo, marami sa inyo naghintay nang matagal. maghapon at inabot ng halos hatinggabi noong unang araw ng distri­busyon… ako na po ang nahingi ng pasensiya sa inyong kainipan at matagal na paghihintay sa pila sa loob ng PLM,” Ayon kay Moreno.

Nabatid  na ang distri­busyon ng  financial assistance ng pamahalaang lungsod sa mga mag-aaral ng PLM noong  16 Disyem­bre  ay napansin na tila walang sistema at may kapalpakan dahil dumagsa ang mga magulang at estudyante, na labag sa health protocols.

Nagrereklamo umano ang mga magulang dahil hindi gumagana ang online system ng nasabing paman­tasan kaya napilitan silang magpunta nang personal.

Napag-alaman ni Mayor Isko, ang ilang empleyado na inatasan sa pamimigay ng allowance ay ilang oras din late at hindi naobser­bahan ang social distancing sa nasabing pangyayari.

Sa kabila nito, walang direktang kinalaman si Mayor Isko sa naganap na kapalpakan kaya’t maagap na humingi ng despensa sa nangyari.

Hindi nagpahayag ng paumanhin ang  presidente ng PLM na si Leyco, kaug­nay sa kapalpakan, hanggang sa kasalukuyan.

Ang pamimigay ng allowance ay ipinaubaya ng alkalde kay Tiquia at Leyco para sa mabilis at maayos na distribusyon ng  P1,000 monthly cash allowance para sa mga estudyante ngunit pumalpak ang PLM.

Sanhi ng kapalpakan ay inatasan ni Moreno si city treasurer Jasmin Talegon na panatilihin ang city cashiers sa kanilang trabaho hanggang maubos ang napakahabang pila bunga ng mga kalituhan.

“Sa mga nagtampong PLM students, hirap na hirap, nauunawaan ko kayo. Ipagpaumanhin ninyo.. kung anumang mis­com­munication… para wala nang turuan, I take full responsibility… sa mga naghintay ng pitong oras, pero ‘yan ay ‘di naman nangyari sa UDM at sa iba’t ibang lugar,” dagdag ni Isko.

Sinabi ni Moreno, ang mga tanggapan sa pamaha­laang lungsod tulad ng Office of the Senior Citizens’ Affairs na pinamumunuan ni Marjun Isidro at social welfare department sa ilalim ni Re Fugoso ay sabay din nagpamahagi ng financial assistance sa mga benepisaryo nito sa buong lungsod at nagagawa ito nang maayos at walang aberya.  Ang nangyari sa PLM, ayon sa alkalde ay bukod tangi.

Bukod sa mga estudyante ng mga city-run university tulad ng PLM at UDM, binibigyan din ng monthly allowances ng pamahalaang lungsod ang mga  senior citizens, persons with disabilities (PWD) at  solo parents.

(BRIAN BILASANO)

About Brian Bilasano

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *