Monday , September 27 2021

Puganteng tulak tiklo sa manhunt operation (Sa Pampanga)

HINDI nanakapalag nang masakote ng mga awtoridad ang isang puganteng nagtutulak ng ilegal na droga sa inilatag na manhunt operation nitong Linggo ng gabi, 18 Hulyo sa bayan ng Guagua, lalawigan ng Pampanga.

Kinilala ni P/Col. Arnold Ibay, provincial director ng Pampanga PPO, ang suspek na si Gerald Pantig, 22 anyos, residente sa Brgy. Bangcal, sa nabanggit na bayan.

Makaraang makompirma ang tip ng impormante hinggil sa pinagtataguang lugar ng suspek, agad sumalakay ang mga operatiba ng Guagua MPS, 1st PMFC, PIDMB, Pampanga PPO, at 302nd MC RMFB3 bitbit ang Warrant of Arrest laban sa suspek sa kasong paglabag sa Section 5 at 11 ng RA 9165 o Comprehensive Dangerous Drugs Act of 2002 na nilagdaan ni Presiding Judge Jesusa Mylene Suba-Isip Guagua RTC Branch 49, walang inerekomendang piyansa.

Kasalukuyang nasa kustodiya ng Guagua PNP ang suspek habang inihahanda ng mga awtoridad ang mga dokumento bago iharap ang suspek sa husgado. (RAUL SUSCANO)

About Raul Suscano

Check Also

No Facemask

2 mister tiklo sa P126K shabu sa Caloocan (Nasitang walang suot na facemask)

KULUNGAN ang kinabagsakan ng dalawang mister matapos makuhaan ng mahigit P.1 milyon halaga ng shabu …

Leave a Reply

Your email address will not be published. Required fields are marked *