Friday , March 29 2024

Pagsibak kay Parlade ipinasa sa NTF-ELCAC (Duterte iwas-pusoy)

 
ni Rose Novenario
 
HINDI umubra ang pagiging commander-in-chief ni Pangulong Rodrigo Duterte sa isang military general na sentro ng kritisismo dahil sa ‘bisyong red-tagging.’
 
Ipinauubaya ni Pangulong Duterte sa National Task Force to End Local Communist Armed Conflict (NTF-ELCAC) ang desisyon sa pagsibak kay Lt. Gen. Antonio Parlade bunsod ng red-tagging sa promotor ng community pantry at pakikipagbangayan sa mga senador.
 
“Bahala na po ang NTF-ELCAC kung susundin nila ang rekomendasyon ni Senator (Panfilo) Lacson,” sabi ni Presidential Spokesman Harry Roque sa virtual press briefing kahapon.
 
Ipinasa ng Senado ang committee report na nagrekomenda sa pagsibak kay Parlade bilang tagapagsalita ng NTF-ELCAC.
 
Si Lacson ang chairman ng Senate Committee on National Defense na nag-sponsor ng report.
 
Mayorya sa mga senador ang nagsusulong na tanggalan ng pondo ang NTF-ELCAC sa susunod na taon at i-reallocate ang P19-B budget sa ayuda sa mahihirap na naapektohan ng pandemya.
 
Tinawag na ‘stupid’ ni Parlade ang mga senador sa bantang tanggalan ng pondo ang NTF-ELCAC kaya’t naghain ng resolusyon si Senate Minority Leader Franklin Drilon at nilagdaan ng 15 pang senador.
 
Tiniyak kamakalawa ni Roque, suportado ng Palasyo ang ‘gag order’ ni National Security Adviser Hermogenes Esperon, Jr., laban kina Parlade at Communications Undersecretary Lorraine Badoy bunsod ng walang habas na red-tagging sa community pantry organizer. (ROSE NOVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *