Friday , March 29 2024

Hari ng kalsada balik-pasada na

BALIK-KALSADA na ang anim na libong tradisyonal na pampasaherong jeepney simula ngayon, Biyernes, 3 Hulyo,  ayon sa Palasyo.

“Papasada na po bukas, a-tres ng Hulyo, ang mahigit na 6,000 roadworthy traditional jeepneys sa Metro Manila sa may apatnapu’t siyam na ruta,” ayon kay Presidential Spokesman Harry Roque sa Palace virtual press briefing kahapon.

Tinukoy ni Roque ang mga pamantayan na itinakda ng Land Transportation Office (LTO) para makapasada ang tradisyonal na jeep gaya ng roadworthy at may personal passenger insurance policy.

Mananatili aniyang siyam na piso ang minimum na pasahe at dagdag na P1.50 sa bawat dagdag na kilometro.

“Uulitin po namin, ito po ang sabi ng DOTr, and I quote, ‘The LTFRB emphasizes to the traditional PUJ operators that they must provide PUJs that are currently registered roadworthy with the Land Transportation Office and with valid personal passenger insurance policy,’” ani Roque.

Ipinaalala ni Roque ang pagpapatupad ng minimum health standard sa pampasaherong sasakyan gaya ng pagkakaroon ng social distancing, nakasuot ng mask ang mga tao at kung maaari ay may disinfectant.

“Inaasahan natin na ang susunod ang mga operator at tsuper sa mga safety operations tulad ng pagsuot ng maskara at guwantes, at ang maximum 50% operating capacity,” giit niya.

Ayon naman sa pahayag ni Mody Floranda, National President ng PISTON, “Bagamat kinikilala bilang tagumpay, kailangan pa rin nating panghawakan ang laban sa pekeng modernisasyon. Niraratsada pa rin ng sabwatang Duterte-DOTR-LTFRB ang jeepney phase-out sa gitna ng pandemya para bigyang daan ang imported at napakamahal na “modern” jeeps bilang kapalit ng tradisyonal na jeep.” (ROSE NOVENARIO)

About Rose Novenario

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *