Tuesday , March 19 2024
Duterte, Pharmally, Money

Forensic audit susudsod sa P8.7-B ibinayad ng Duterte admin sa Pharmally (Follow the money trail)

MAGKAKABISTOHAN kung kanino napunta o sino ang mga nakinabang sa P8.7 bilyong ibinayad ng administrasyong Duterte sa Pharmally Pharmaceutical Corporation para sa medical supplies noong isang taon.

Ayon kay Senator Richard Gordon, kukuha ng forensic auditor ang Senado upang matunton kung saan napunta ang bilyon-bilyong pisong ibinayad sa Pharmally na kinukuwestiyon ng mga senador.

“Kailangan natin ngayon, kukuha kami ng forensic auditor. Kakausapin ko si Senate President Sotto, pumayag na siya in principle. Naghahanap kami ngayon ng forensic auditor, susundan dapat ‘yan. Pagka may arrangement na kami riyan, hahanapin kung saan pumasok lahat ang pera, malalaman lahat iyan,” ani Gordon sa The Mangahas Interviews sa GMA-7.

Matutuklasan aniya kung may money laundering dahil ipapasok ng mga nakinabang, ang pera sa kanilang bank accounts, at obligado ang banko na i-report sa Anti-Money Laundering Council (AMLC) ang transaksiyon na mahigit sa P50,000.

“Follow the money, puro cash ang laro riyan, ang tseke lang ‘yung ibinayad ng gobyerno. Ngayon maipapasok na nila sa banko ‘yung mga perang ibinayad ng gobyerno. Maglalabas-masok na sa banko, iyon ang posibleng money laundering,” dagdag ng senador.

“Ang problema mahahanap mo ‘yan kasi ang ibinabayad ng gobyerno sa kanila ay tseke ng Landbank. Ang susunod na kabanata, saan mo idineposito ang tseke na ‘yan?”

Ipinapakuha na aniya ng Senado ang records ng mga transaksiyon sa banko at dapat ay makitang may report ito sa AMLC.

Kombinsido si Gordon na tama ang hinalang pre-meditated o planned plunder ang pagpabor ng PS-DBM sa Pharmally.

Marami aniyang dapat ipaliwanag si Pangulong Rodrigo Duterte dahil mga tauhan niya at mga kaibigan ang sangkot sa isyu. (ROSE NOVENARIO)

About Rose Novenario

Check Also

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Malolos-Bocaue SCR Phase 1 Viaduct

Malolos-Bocaue SCR Phase 1 Viaduct tapos na

KOMPLETO na ang napakalaking North-South Commuter Railway (NSCR) viaduct. Ang 14-kilometrong natapos na bahagi ng …

3 lalaking suspek sa kinawat na kawad  ng koryente ‘minasaker’

3 lalaking suspek sa kinawat na kawad  ng koryente ‘minasaker’

TATLONG lalaking pinaghihinalaang mga tirador ng kawad ng koryente ang natagpuang wala nang buhay attadtad …

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Leave a Reply

Your email address will not be published. Required fields are marked *