Friday , March 29 2024
GMA Gloria Macapagal Arroyo Flood control
GMA Gloria Macapagal Arroyo Flood control

Flood control sa 3 probinsiya sa Central Luzon kailangan — GMA

BINIGYANG importansiya ni House Speaker Gloria Maca­pagal Arroyo ang isang master plan para sa flood control sa tatlong probinsiya sa Gitnang Luzon kasama ang Pampanga, Nueva Ecija at Bulacan.

Ayon kay Arroyo impor­tanteng magkaroon ng flood control dahil sa dalas ng sakuna sa bansa.

Sa pakikipag-usap sa mga opisyal ng Department of Public Works and Highways (DPWH), iginiit ni Arroyo ang pagtatatag ng Pampanga Delta Develop­ment Program (PDDP).

“I was informed by the DPWH that the feasibility study for the Pampanga River will be opened already this October 11. Noon nga, masama na ang flood noon, tinututulan ng taong bayan, e ngayon lalong sumama nang sumama,” ani Arroyo.

Ayon kay Arroyo importante ang pagtatatag ng Disaster Resilience Department para sa pagtugon sa bagyo at baha imbes short-term mitigation.

Kasama sa meeting ni Arroyo ang mga lokal na opisyal ng Pampanga, Nueva Ecija at Bulacan.

Aniya ang Pampanga River ay nag-uumpisa sa San Antonio swamps sa Nueva Ecija pababa ng Pampanga at Bulacan.

“So ang pinakanababaha dahil doon ay actually ‘yung Pampanga, ‘yung district ni Congressman Rimpy Bondoc (4th District, Pampanga) at saka ‘yung Bulacan, ‘yung district ni Congressman Sy-Alvarado (1st, Bulacan),” ani Arroyo.

Aniya, ang second phase ng PDDP ay dapat i-prioritize dahil ang first phase ay naputol noong 2002 dahil sa planong pagtatayo ng puerto sa Malolos, Bulacan.

“Magsisimula sa Arayat Mountain, the district of Dong Gonzales, tapos bababa sa district ni Rimpy Bondoc hang­gang sa Calumpit, sa district ni Jonathan. ‘Yun ang gagawing Phase 2 na magsisimula ang feasibility study pag nanalo na ‘yung winning bidder by October 11,” paliwanag ni Arroyo.

“Tapos no’n ‘yung up­stream, ‘yung sa Gabaldon, sa Rizal that will be Phase 3. Kasi doon nagsisimula ‘yung tubig,” dagdag niya.

Ang feasibility study para sa third phase mag-uumpisa sa 2019. “E ngayon noong dumating ang panahon ko, alternate ports natin ay Subic and Batangas. So hindi na issue ‘yun. Issue na lang talaga flood control na lang,” ayon sa Speaker. (GERRY BALDO)

About Gerry Baldo

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *