Friday , March 29 2024

Duterte, Yang ‘magkasangga’ sa illegal drug trade (Ninong ng narco-politics) — Trillanes

ni ROSE NOVENARIO

“ANG presidente ng Filipinas, involved sa illegal drug trade.”

Isiniwalat ito ni dating Sen. Antonio Trillanes IV sa panayam sa online news site Press Room PH.

Ayon kay Trillanes, ang kapareha umanong drug lord ni Pangulong Rodrigo Duterte ay si Michael Yang mula alkalde pa ng Davao City ang punong ehekutibo.

Umiral ang ‘narco-politics’ aniya sa bansa dahil kay Pangulong Duterte.

“Dito sa ating bayan ‘yung sinasabi niyang narco-politics, siya ‘yun.”

May talent umano si Pangulong Duterte na ‘panlilinlang,’ kunwari ay galit na galit sa illegal drugs para hindi siya paghinalaan na sangkot sa mismong sindikatong nilalabanan niya kuno.

“Itong si Duterte kasama sa raket nila ‘yung importation ng illegal drugs. Kaya ang pinaka-skill ni Duterte ay paano siya manlinlang para hindi siya mapagsuspetsahan, kunwari siya ‘yung galit na galit sa droga para hindi siya mapagsuspetsahan. In fact iyang si Michael Yang ang drug lord na (ka)partner niya sa Davao pa lang,” sabi ni Trillanes.

Inilahad umano nina retired policeman at self-confessed former Duterte Death Squad (DDS) member Arturo Lascanas at dating police Col.  Eduardo Acierto ang pagkasangkot nina Duterte at Yang sa drug syndicate.

Sa katunayan, aniya, ay nagsumite pa ng confidential report si Acierto kay Pangulong Duterte sa illegal drug activities ni Yang ngunit inarbor umano ang kaibigang Chinese businessman at ang dating police colonel pa ang ipinapapatay pero nakapagtago agad.

“Dalawa ang nagsabi niyan, sina Lascanas at Col. Acierto. Gumawa ng report ang drug enforcement group si Acierto sa Malacañang. Para lang madistansiyahan ni Duterte itong si Michael Yang. Ano ang ginawa ni Duterte, inarbor si Michael Yang, pinapatay pa si Acierto. Mabuti na lang nakapagtago itong isa,” aniya.

Nang imbestigahan aniya ng Senado ang lumusot na P6.4 bilyon shabu sa Bureau of Customs (BoC) ay nabisto na walang takot na idinaan sa front door ang illegal drugs dahil iniulat ng karibal na triad. 

“Maliwanag ‘yun, ‘yung inimbestigahan namin sa Senado ‘yung P6.4-B drugs, talagang idinaan sa front door ang droga at pinalusot. Ini-report lang ng karibal nila sa Customs noong nakalusot na.”

“Karibal na triad ang nag-report. Nang iniimbestigahan na namin ‘yun, lahat ng involved sa importation naka-link doon sa pamilya ni Duterte, sa Duterte mafia. Iyan ang mabigat d’yan, hindi pa nga nauungkat ‘yan ha, dito pa lang tayo sa corruption.”

Hindi aniya nakapagtataka na naglalabasan na ang korupsiyon ni Pangulong Duterte dahil nakasanayan umano niya ang ‘culture of impunity,’ hindi siya pinapanagot sa mga ginawang krimen gaya ng pagpatay kaya naging bara-bara ang diskarte sa mga dokumento hanggang natuklasan ang korupsiyon sa pondo sa pandemya.

Inihalimbawa ng senador sa umano’y korupsiyon ni Duterte ang isiniwalat niya kamakailan na garapal na pagbibigay ng P6.4 bilyong halaga ng infrastructure projects sa mga kompanya ng ama at kapatid ni Sen. Christopher “Bong” Go.

Kahit medyo huli na ang pagkamulat ng ilang senador at publiko sa mga sinabing katiwalian ni Duterte ay okey na rin.

“Si Duterte, mamamatay tao, he admits that, alam naman ng mga kababayan natin ‘yan. Bakit hindi naisip ng mga tao na kapag mamamatay tao, nasa ilalim ang pagnanakaw. Kung kaya mong pumatay, barya lang sa iyo ang pagnanakaw.”

“Okey na ‘yan na lumalabas ‘yan. But believe me these people are working with an environment of impunity, kaya very reckless, walang pakialam sa documentation. Huling-huli itong mga taong ito very crude ang corruption tactics.”

Ang lahat ng alegasyon ay patuloy na itinatanggi ng Palasyo.

About Rose Novenario

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Leave a Reply

Your email address will not be published. Required fields are marked *