Friday , March 29 2024

COP sa Bulacan tiklo sa kotong

INIHAHANDA ng mga awtoridad ang isasam­pang kaso laban sa isang hepe ng pulisya sa Bulacan na inaresto dahil sa pangongotong sa arestadong drug suspect.

Ang opisyal ay kinilalang si Supt. Jowen dela Cruz, hepe ng Bocaue Police Station, inaresto sa mismong kaniyang tanggapan sa inilunsad na joint operation ng PNP Counter Intelligence Task Force (PNP-CITF), PNP Highway Patrol Group (PNP-HPG) at Intelligence Group.

Una rito, ayon kay Supt. Joel Estaris, deputy commander ng PNP-CITF, dumulog sa kani­lang tanggapan ang kapatid ng isang bilanggo na inaresto sa buy-bust operation noong 5 Set­yembre.

Ayon sa nagreklamo, kinuha ng chief of police ang SUV Montero ng kapatid ngunit hindi inilista bilang kasama sa mga ebidensiya laban sa kanya.

Sa ulat, napag-ala­man na ang sasakyan ay personal na ginagamit ni Dela Cruz at ayon sa nagreklamo ay ibabalik lamang aniya ito ng opisyal kapalit ng i-Phone X na P75,000 ang halaga.

Isinagawa ng mga awtoridad ang entrap­ment operation laban sa opisyal gamit ang mama­haling cellphone na kaniyang hinihingi.

Lumabas din sa inisyal na imbestigasyon na bukod sa sasakyan, sa panunungkulan ni Dela Cruz ay nawawalan ng mga gamit ang mga inmate tulad ng sapatos, motorsiklo at iba pang gamit.

Sinasabi pang naging modus din ng opisyal ang pagkuha sa mga sasakyan ng arestadong mga suspek at personal na ginagamit sa kaniyang mga lakad.

Ang operasyon laban kay Dela Cruz ay isina­gawa ng naturang mga ahensiya ng PNP, sa koordinasyon kay C/Supt. Amador Corpus, ang regional director ng PRO3.

(MICKA BAUTISTA)

About Micka Bautista

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *