Monday , September 27 2021

Chinese national natagpuang patay

NADISKUBRE ang bangkay ng isang Chinese national dahil sa umaalingasaw na mabahong amoy nitong Linggo sa Pasay City.

Halos naaagnas na nang matagpuan ang bangkay ni Si Lin, 36 anyos, tenant sa Cartimar Commercial Arcade and Suites sa 2209 Leveriza Street, Barangay 29,  Zone 5.

Base sa ulat, nakatanggap ng tawag sa telepono ang tanggapan ng Pasay City Police mula sa guwardyang si Juven Duran.

Ayon sa guwardiya, habang nagsasagawa siya ng inspection dakong 5:00 pm sa ikaanim na palapag ng Cartimar Commercial Arcade and Suites, nakaamoy siya ng mabaho mula sa Room 609, kung saan nanunuluyan ang dayuhan.

Kaagad na ipinagbigay alam ng guwardya sa mga awtoridad ang insidente at nang respondehan at buksan sa pamamagitan ng duplicate na susi ang tinutuluyan nito ay dito nakita ang halos naaagnas na bankay ng dayuhan.

Nagsasagawa pa ng masusing imbestigayon ang pulisya sa sanhi ng pagkamatay ng dayuhan. (JAJA GARCIA)

 

About Hataw Tabloid

Check Also

No Facemask

2 mister tiklo sa P126K shabu sa Caloocan (Nasitang walang suot na facemask)

KULUNGAN ang kinabagsakan ng dalawang mister matapos makuhaan ng mahigit P.1 milyon halaga ng shabu …

Leave a Reply

Your email address will not be published. Required fields are marked *