Saturday , September 25 2021

2 traffic enforcers suspendido

SINUSPINDE kahapon ni Metropolitan Manila Development Authority (MMDA) Chairman Benhur Abalos, Jr., ang dalawang traffic enforcer na inakusahan ng pangongotong sa motorista nitong 23 Abril 23, Biyernes ng hapon sa Quezon City.
 
Kinilala ang dalawang kawani na sina Edmon Belleca at Christian Malemit, pawang may permanent status na empleyado ng MMDA.
 
Sinabi ni MMDA Chief, inilagay niya sa 90-day preventive suspension ang dalawa habang nakabinbin ang resulta ng imbestigasyon sa mga kasong extortion, grave misconduct, at iba pa na posibleng masibak sa trabaho.
 
Ang pangongotong umano ng dalawa ay nakarating sa kaalaman ni MMDA Chairman kaya agad niya itong inaksiyonan.
 
Binigyan diin ni Abalos, hindi niya kukunsintihin ang mga mali at ilegal na aktibidad ng mga kawani lalo na’t maglalagay ito sa kahihiyan sa pangalan ng ahensiya.
 
Nag-virial sa video sa social media ang insidente ng pangongotong noong 23 Abril, sa pagitan ng 3:00 – 4:00 pm sa EDSA at A. Bonifacio St., na naghahati patungong NLEX.
 
Makikita ang paghingi umano ng P1,000 ng dalawa mula sa complainant kapalit ng hindi pag-iisyu ng violation receipt sa paglabag sa Republic Act 10913, o ang Anti-Distracted Driving Act at Reckless Driving. (JAJA GARCIA)
 

About Jaja Garcia

Check Also

092421 Hataw Frontpage

Pag-asa, paghilom (Kailangan ng bansa) – Doc Willie

ni ROSE NOVENARIO NAGBALIK ang pag-asa na mapapalitan ng luha ng kaligayahan ang naranasang kapighatian …

Leave a Reply

Your email address will not be published. Required fields are marked *