Monday , September 27 2021

1 HVI, 4 kasabwat tiklo sa P1.7-M ‘bato’ (Sa anti-narcotics ops sa Angeles City)

NALAMBAT ang isang suspek na kabilang sa listahan ng high value individual (HVI) at apat pa niyang kasabwat nang makuhaan ng tinatayang P1,700,000 halaga ng hinihinalang shabu sa inilatag na anti-narcotics operation ng mga kagawad ng Angeles City Drug Enforcement Unit (ACDEU) at Police Station 3 ACPO nitong Lunes, 19 Hulyo sa 7403 Mindanao St., Jaoville Compound, Brgy. Pandan, lungsod ng Angeles, lalawigan ng Pampanga.

Kinilala ni PRO3 Director P/BGen. Valeriano De Leon ang mga suspek, batay sa ulat ni P/Col. Rommel Batangan, City Director ng Angeles CPO, na sina Saif Boko, 27 anyos, isang high value individual; at mga kasabwat na sina Mamad Datu, 27 anyos; Amin Ibrahim, 27 anyos; Ibrahim Limbona, 19 anyos; at Samad Omar, 26 anyos, pawang mga residente sa nabanggit na lungsod.

Nakompiska ng mga awtoridad mula sa mga suspek ang apat na paketeng na naglalaman ng hinihinalang shabu, may timbang na 250 gramo, at nagkakahalaga ng halos P1,700,000, at marked money na ipinain sa mga suspek.

Nahaharap sa kasong paglabag sa Section 5 na may kaugnayan sa Section 26 at 11 ng Article ll ng RA 9165 o Comprehensive Dangerous Drugs Act of 2002 ang mga suspek na kasalukuyang nasa kustodiya ng mga awtoridad. (RAUL SUSCANO)

About Raul Suscano

Check Also

No Facemask

2 mister tiklo sa P126K shabu sa Caloocan (Nasitang walang suot na facemask)

KULUNGAN ang kinabagsakan ng dalawang mister matapos makuhaan ng mahigit P.1 milyon halaga ng shabu …

Leave a Reply

Your email address will not be published. Required fields are marked *