Monday , October 18 2021
Benedicto Yujuico, Philippine Chamber of Commerce and Industry, PCCI
Benedicto Yujuico, Philippine Chamber of Commerce and Industry, PCCI

Negosyante pumalag vs korupsiyon sa pandemya

DESMAYADO ang Philippine Chamber of Commerce and Industry (PCCI) sa mga nag­labasang isyu ng katiwalian sa pagbili ng medical supplies ng administrasyong Duter­te para labanan ang pandemyang dulot ng CoVid-19.

“It is disheartening to learn of the integrity issues over the procurement of certain equipment and supplies needed to combat CoVid-19 and other related issues,” ayon kay Amb. Benedicto Yujuico, PCCI president, sa kanilang 3rd General Member­ship Meeting.

Inihayag ng mga negosyante ang muling pagtutol sa paggamit ng gobyerno sa lock­down para labanan ang CoVid-19 na nagresulta sa pagkawala ng traba­ho ng apat na milyong Pinoy, at pagkalugi ng may 100,000 negosyo na nagkaroon ng matinding epekto sa mental health ng mga mamamayan.

“We are frustrated over government’s penchant for declaring lockdowns as its primary tool to stem the spread of virus. Lockdowns have caused more problems with the millions of lost jobs, not to mention the damage to mental health of many of our countrymen,” pahayag ni Yujuico.

Inimbita ng PCCI si Sen. Richard Gordon bilang speaker sa okasyon upang ibahagi ang kanyang mga suhestiyon para masagkaan ang epekto ng CoVid-19 sa gobyero, sa pribadong sektor, maging sa Philippine National Red Cross at iba pang humanitarian agency.

Si Gordon ang naging paboritong batikusin ni Pangulong Rodrigo Duterte, dahil sa pamu­mu­no ng Senate Blue Ribbon Committee sa pag-iimbestiga sa ku­westiyonableng paglilipat ng P42-B sa Department of Health (DOH) at overpriced medical supplies contracts na ibinigay ng Procurement Service ng DBM.

Binigyan diin ni Gordon, si Pangulong Rodrigo Duterte ang dapat managot sa lahat ng nangyari kaugnay sa CoVid-19 response ng administrasyon.

“Lider ang dapat managot,” ani Gordon sa question and answer portion ng pagtitipon.

Ang lahat aniya ng pagbatikos ni Pangulong Duterte sa kanya, sa Commission on Audit (COA), sa mga senador at sa Red Cross ay iskema upang ilihis ang atensiyon ng publiko palayo sa isyu na iniimbestigahan ng Senado.

Dahil aniya, sa mga birada ng Pangulo sa Senado at COA ay lumayo ang mga investor sa Filipinas at nagtungo sa ibang karatig bansa sa ASEAN gaya ng Vietnam.

Wala pang tugon ang Palasyo sa naging pahayag ng PCCI.

(ROSE NOVENARIO)

About Rose Novenario

Check Also

101821 Hataw Frontpage

Exclusive: Pinay sa Kuwait patay sa ‘sadiki’ bday girl nag-suicide (Nalason sa selebrasyon)

HATAW News Team ISANG 26-anyos overseas Filipino worker (OFW) sa Kuwait ang na-comatose hanggang tuluyang …

Smart, BTS

Pagbayad ng Smart-PLDT ng daang milyong piso sa foreign endorsers hinagupit ng kongresista

BINATIKOS ng isang partylist congressman ang top executives ng Smart-PLDT dahil sa pagkuha ng mga …

Quezon Province

Gob ‘sabit’ sa dinukot na ‘saksi’ sa heinous crime (‘Biktima’ gustong suhulan)

MULING mahaharap sa panibagong kasong kriminal si Quezon Province Gov. Danilo Suarez matapos ituro ng …

1,000 benepisaryo ng “Cash For Work” tumanggap ng 4k (Sa Parañaque City)

AABOT sa 1,000 displaced workers mula sa iba’t ibang barangay sa District 1 ng Parañaque …

shabu drug arrest

Live-in partners, isa pa timbog sa buy-bust

SWAK sa kulungan ang live-in partners at isa pa sa isinagawang buy bust operation ng …

Leave a Reply