Friday , March 29 2024
092321 Hataw Frontpage

Mula Smokey Mountain patungo sa Malacañang (Landas ni Isko sa 2022)

092321 Hataw Frontpage

ni ROSE NOVENARIO

MULA sa Smokey Mountain sa Tondo, Maynila patungo sa Malacañang.

Ito ang landas na nais tahakin ni Manila Mayor Francisco “Isko Moreno” Domagoso sa kanyang opisyal na anunsiyo kahapon, bilang 2022 presidential candidate ng partido Aksyon Demokratiko na ginanap sa BASECO Compound sa Port Area, Maynila.

“Kaya buong kabababaang loob, inihahayag ko sa darating na Mayo, tanggapin ninyo ang aking aplikasyon bilang Pangulo ng Filipinas,” ani Moreno sa kanyang talumpati.

Kasabay nito’y idineklara ni Moreno si Doc Willie Ong bilang kanyang vice presidential running mate.

Ipinagmalaki ni Moreno ang kanyang abang pinagmulan bilang pruweba na puwedeng umasenso sa buhay ngunit hindi lumaki ang ulo.

“There is also another lesson I learned in early life: while poverty dehumanizes, it must not take the humanity out of you. Opo, lumaki akong busabos, ngunit hindi ako naging bastos,” sabi ni Moreno.

“Hindi lang pagkain ang kinakalkal mo, namamalimos ka rin ng respeto. Minamata ka. Hanggang ngayon, maaring iniismol ka,” kuwento niya sa kanyang pinagmulan bilang basurero.

Wala rin aniya siyang maipagmamalaking pamosong pamilyang pinagmulan gaya ng ibang politiko.

“Hindi n’yo makikita sa pera ang mukha ng aking walang perang mga ninuno. No avenues named after them. Kahit nga eskinita o waiting shed wala silang pangalang Domagoso,” aniya.

Giit ng alkalde, hindi niya hilig ang mangako bagkus ang ginagawa niya’y mabilis na pagkilos para tugunan ang problema. 

“I will be a healing president. While ours will be a government of national reconstruction, it will also be a government of national reconciliation, based on justice and rule of law,” dagdag ni Moreno.

Ipinagmalaki niya ang mga nagawa bilang alkalde ng Maynila sa pagtugon sa CoVid-19 crisis kompara sa kapos na hakbang ng national government.

Tiniyak ni Moreno, hindi niya haharangin ang prankisa ng ABS-CBN sakaling aprobahan ito ng Kongreso at hindi niya gagamitin ang poder para manggipit.

Samatala, para kay sa political analyst na si Julio Teehankee, may ‘reformist narrative’ si Moreno kompara sa ibang populist politician.

“I think his real message was a fact that , nag-aral siya e. He studied, alam naman ng lahat ‘yun na nag-aral siya. We have to credit him for that. In fact he does not only has populist narrative but he also has that  reformist narrative. That reformist narrative that I will fix government,” aniya sa After the Fact sa ANC kagabi.

“May nagawa siya in three years na hindi nagawa ng ibang mayor,” ani Teehankee bilang Manilenyo.

Marunong aniyang makinig sa iba si Moreno kaya maganda ang naging performance sa Maynila kaya maaaring ito rin ang gawin kapag naluklok sa Malacañang.

Isang out of the box choice naman aniya si Ong bilang tandem ni Moreno.

Naniniwala si Teehankee na magiging malaki ang ambag ni Ong sa tambalan nila ni Moreno sa aspekto ng internet war dahil pamosong personalidad ang doctor sa social media.

“I think what they are aiming is the new election which is internet war, digital war, social media blitz and that where Willie Ong comes in,” ani Teehankee.

About Rose Novenario

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Leave a Reply

Your email address will not be published. Required fields are marked *