Saturday , October 16 2021

Modernisasyon ng jeepney tinutulan (Sa Senado)

Hataw Frontpage Modernisasyon ng jeepney tinutulan (Sa Senado)
Hataw Frontpage Modernisasyon ng jeepney tinutulan (Sa Senado)

BINATIKOS ng ilang senador ang hindi makatarungang panukalang modernisasyon para sa mga pam­publikong sasakyan katulad ng mga jeepney, na ipinanukala ng Land Transportation Franchising and Regulatory Board (LTFRB).

Ayon kina Senadora Grace Poe, chairman ng Senate Committee on Public Services, nanguna sa pagdinig, at Senador Ralph Recto, hindi kaka­yanin ng mga kasalu­kuyang operator at mga driver ang panukalang modernisasyon.

Sinabi nina Poe at Recto, sa kabila ng tulong pinansiyal na P80,000, ito ay hindi sapat sa pre­s-yong P1.8 milyon kada isang bagong electric jeepney na nais ng pama­halaan.

Pinuna rin ni Poe ang magiging epekto nito para sa mga pasahero sa sandaling tuluyang ipa­tupad ang moderni­sa­s-yon.

Hanggang sa Marso na lamang ang huling buwan nang pagpa­pa­liban ng pagpapatupad ng modernisasyon.

Naniniwala sina Poe at Recto na hindi lamang ang commuters ang lub­hang maaapektohan kun­di marami rin papa­taying mga tsuper at operator dahil mawawalan sila ng kanilang kabuhayan para sa kanilang mga pamilya.

Iginiit ni Recto na hindi maaaring gawing pananggalang ng LTFRB ang usapin ng Clean Air Act dahil maaaring mag­sagawa ng emission testing sa bawat jeep upang malaman kung ito ay nakasusunod sa batas.

Dahil dito, naniniwala sina Poe at Recto na hindi biro ang panukalang ito ng pamahalaan kung wa­la silang sapat na pondo para matulungan o maalalayan ang operator o tsuper para makabili ng bagong unit ng sasakyan.

ni NIÑO ACLAN

About Niño Aclan

Check Also

1,000 benepisaryo ng “Cash For Work” tumanggap ng 4k (Sa Parañaque City)

AABOT sa 1,000 displaced workers mula sa iba’t ibang barangay sa District 1 ng Parañaque …

shabu drug arrest

Live-in partners, isa pa timbog sa buy-bust

SWAK sa kulungan ang live-in partners at isa pa sa isinagawang buy bust operation ng …

Ilegal na troso nasamsam sa Bulacan

NAKOMPISKA ng mga awtoridad ang mga ilegal na troso mula sa apat katao sa isinagawang …

9 tulak, 2 pugante deretso sa hoyo (Sa 24-oras police ops sa Bulacan)

SUNOD-SUNOD na pinagdadampot ang siyam na hinihinalang tulak ng ilegal na droga at dalawang pugante …

2 tulak sa Nueva Ecija todas sa buy bust ops (Pumalag, nanlaban)

TUMIMBUWANG ang dalawang hinihinalang tulak ng ilegal na droga nang makipagbarilan sa pulisya sa ikinasang …

Leave a Reply