Sunday , October 17 2021

Mister utas sa saksak ni misis

SINAKSAK at napatay ng isang ginang ang kan­yang asawa nang magtalo sa kanilang tahanan sa Quezon City, kahapon ng madaling-araw.

Kinilala ni Quezon City Police District (QCPD) director, C/Supt. Joselito Esquivel, Jr., ang biktimang si Rannie Calpito Tomas, 47, meka­niko, at residente sa Ruby St., ROTC Hunters, Brgy. Tatalon, ng nabanggit na lungsod.

Nakatakas ang suspek na si Marynor Mina.

Sa imbestigasyon ni PO3 Marlon dela Vega, ng Criminal Investigation and Detection Unit (CIDU), dakong 1:40 am nang maganap ang krimen.

Ayon kay Imelda, kapatid ng biktima, nagi­sing  siya dahil sa pagta­talo ng mag-asawa.

Pagkaraan, narinig niyang humihingi ng saklolo ang kapatid kaya agad niyang pinuntahan.

Nagulat si Imelda nang makitang hawak ng biktima ang kanyang tiyan habang umaagos ang dugo ngunit wala na ang misis niyang si Marynor.

Agad tinawag ni Imel­da ang kanilang nanay na si Aling Juliana at isinu­god sa Delos Santos Hos­pital ang kapatid ngunit binawian din ng buhay.

Narekober sa pinang­yarihan ng insidente ang 10 pulgadang kutsilyo na ginamit ng suspek sa krimen. (ALMAR DANGUILAN)

About Almar Danguilan

Check Also

1,000 benepisaryo ng “Cash For Work” tumanggap ng 4k (Sa Parañaque City)

AABOT sa 1,000 displaced workers mula sa iba’t ibang barangay sa District 1 ng Parañaque …

shabu drug arrest

Live-in partners, isa pa timbog sa buy-bust

SWAK sa kulungan ang live-in partners at isa pa sa isinagawang buy bust operation ng …

Ilegal na troso nasamsam sa Bulacan

NAKOMPISKA ng mga awtoridad ang mga ilegal na troso mula sa apat katao sa isinagawang …

9 tulak, 2 pugante deretso sa hoyo (Sa 24-oras police ops sa Bulacan)

SUNOD-SUNOD na pinagdadampot ang siyam na hinihinalang tulak ng ilegal na droga at dalawang pugante …

2 tulak sa Nueva Ecija todas sa buy bust ops (Pumalag, nanlaban)

TUMIMBUWANG ang dalawang hinihinalang tulak ng ilegal na droga nang makipagbarilan sa pulisya sa ikinasang …

Leave a Reply