Monday , October 18 2021
Rodrigo Duterte, Michael Yang, China
Rodrigo Duterte, Michael Yang, China

Michael Yang ‘enkargado’ ni Duterte (Sa pro-China policy)

Hataw Frontpage Michael Yang enkargado ni Duterte (Sa pro-China policy) Away n’yo, bibilhin ko – Yorme Isko (Palasyo kinasahan)

ni ROSE NOVENARIO

LUMAKAS ang loob ni Pangulong Rodrigo Duterte na  kumiling sa China, hindi bilang state leader na inihalal ng 16 milyong Filipino, kundi dahil sa tulong ng ‘enkragado’ niya sa Beijing, ang inaangking kaibigang si Michael Yang.

Inamin ito ni Pangulong Duterte kahapon sa national convention ng PDP-Laban na ginanap sa Laus Group Event Centre, San Fernando City, Pampanga.

Mula noong 2016, magugunitang ipinatupad ni Duterte ang independent foreign policy na pagdistansiya kay Uncle Sam o sa Amerika, pero hindi itinago ang pagkiling sa China.

Mahihinuha ito sa kanyang mga pahayag kaugnay ng isyu hinggil sa Western Philippine Sea (WPS) na paboritong lamyerdahan ng mga barkong pandigma ng China.

“Ang key diyan si Yang. Yang is known to me, I admit it. And it was Yang whom I requested to do to lay — to do the — lay the ground or do the legwork of my going to China and getting into a new deal and a new relations because of — iyong foreign policy ko nag-neutral ako para makagalaw ako sa ibang… Kasi had I, you know, you stick with America, then limitado ka, because they would not enjoy you doing business,” sabi niya.

Kinompirma rin ng Pangulo na si Yang ang naging ‘pagador’ kaya nasungkit ng Pharmally Pharmaceutical Corporation ang kontrata ng P10 bilyong halaga ng medical supplies mula sa Procurement Service -Department of Budget and Management (PS-DBM).

“You know, ‘yung personality, the juridical personality ng kompanya is actually of no moment to us. If it’s a foreign corporation, it’s a foreign corporation doing business through a middleman here, e ‘di wala — iyan ang paraan e,” anang Pangulo.

“Wala naman si Michael Yang. He has no manufacturing factory in Davao. Ganoon ‘yan. Walang record ‘yan. Hindi kriminal ‘yan. Iyan ang gusto kong malaman ninyo na,” dagdag niya.

Mula nang ilabas ng Commission on Audit (COA) ang 2020 report na pinuna ang dispalinghadong paggasta ng Department of Health (DOH) sa P42-B CoVid-19 response fund na ipinasa sa PS-DBM ay naging bisyo ni Duterte na batikusin ang COA maging ang Senado na nag-iimbestiga sa overpriced medical supplies contract ng Pharmally.

Nang umarangkada ang Senate Blue Ribbon Committee investigation, ginawa ni Duterte na dalawang beses isang linggo ang kanyang Talk to the People, at walang kahihiyang umaastang tila abogado ng Pharmally, lalong binanatan ang mga senador at nagbabala sa kanila na mas marami pa umano siyang ilalabas na baho nila.

Pinagmumura rin ni Duterte si ret. P/Col. Eduardo Acierto dahil iniugnay si Yang sa international drug syndicate kaya nagtatago ang dating opisyal ng pulisya.

Sa kabila ng walang habas na pagbubunganga ni Duterte, hindi nagpatinag sa blackmail ni Duterte ang mga senador at lalong hinahalukay ang maanomalyang mga kontrata at tinatalupan ang mga sangkot na kaalyado ng Pangulo pati ang mga opisyal ng kanyang administrasyon.

About Rose Novenario

Check Also

Janine Gutierrez

Janine Gutierrez itinanggi basang kili-kili tweet; BBM supporters kuyog

FACT SHEETni Reggee Bonoan MARIING itinanggi ni Janine Gutierrez ang umano’y viral tweet niya na pinansin …

No Contact Apprehension Program, NCAP, Quezon City, QC, Traffic

Sa mga driver: Kung may disiplina, walang multa sa NCAP

BULABUGINni Jerry Yap INILUNSAD kamakailan ng butihing Quezon City Mayor Joy Belmonte ang “No Contact …

BI detainee ipina-deport kahit may pending RTC case?!

BULABUGINni Jerry Yap ANO raw kaya itong napipintong pasabog tungkol sa isang detainee ng Bureau …

101821 Hataw Frontpage

Exclusive: Pinay sa Kuwait patay sa ‘sadiki’ bday girl nag-suicide (Nalason sa selebrasyon)

HATAW News Team ISANG 26-anyos overseas Filipino worker (OFW) sa Kuwait ang na-comatose hanggang tuluyang …

Smart, BTS

Pagbayad ng Smart-PLDT ng daang milyong piso sa foreign endorsers hinagupit ng kongresista

BINATIKOS ng isang partylist congressman ang top executives ng Smart-PLDT dahil sa pagkuha ng mga …

Leave a Reply