Friday , March 29 2024
AKSYON AGAD ni Almar Danguilan
AKSYON AGAD ni Almar Danguilan

May COVID man, PNP-IMEG, tuloy sa ‘paglilinis’   

KAPAL ng…! Sino? Wala naman, sa halip kayo na lang ang humusga sa pulis-Maynila na inaresto ng PNP – Integrity Monitoring and Enforcement Group (IMEG) kamakailan habang nahaharap tayo sa matinding krisis – ang pagkikipaglaban sa COVID-19.

 

Ba’t siya inaresto samantalang ang mga pulis ngayon ay  sinasaluduhan dahil sa hindi matatawarang  serbisyo sa bayan – ang pagiging frontliner  sa checkpoints habang ipinatutupad ang enhanced community quarantine (ECQ) kaugnay ng pagkontrol sa pagkalat ng virus.

Katunayan, sampung pulis ang nahawaan ng sakit.

 

Pero kakaiba ang inarestong si P/Cpt. Josep Pedro Bocalbos, 55-anyos. Sa halip na ipokus ang atensiyon sa kautusan ni PNP chief, Gen. Archie Gamboa na tumulong laban sa COVID-19, e kung ano-ano yata ang kanyang pinagkakaabalahan. Basta ha, kayo na ang bahalang humusga sa mama.

Alam n’yo naman ang IMEG na pinamumunuan ni P/Col. Ronaldo O. Lee, ang tumira at pulis ang dinakip, malamang ang kaso ay pangongotong ‘extortion.’

 

Naku, kapag nagkataon, sayang ang retirement benefit/s  ni Bocaldos. Isang taon na lang pa naman siya sa serbisyo.

 

Ano pa man, si Bocalbos, commander ng Community Police Precinct sa Ermita, Maynila ay dinakip ng IMEG kasama ang kasabwat niyang sibilyan na si Joyce Sajines y Tolentino, 47, nitong nakaraang linggo.  Inaresto sila sa pangongotong daw sa loob mismo ng Paz (Paco) Police Community Precinct.

 

Si Bocalbos ayon sa IMEG, ay inaresto bunsod ng reklamo mula sa sidewalk vendors sa isang public market sa Barangay Paz, Paco, Maynila na nasa AOR ng Paz PCP.

 

P150.00 ‘tara’ kada araw ang kinukuha kada vendor. Ang kumukolekta ay si Sajines.

 

“We have arrested a police commissioned officer who has been the subject of complaint regarding his extortion activity. It turned out that P/Cpt.  Bacolbos is extorting  P150 daily from each vendor in Brgy. Paz, Paco, Manilla. Once they fail to give the amount, they are being subjected to harassment by the officer,” bahagi ng pahayag ni Lee sa kanilang report kay PNP Chief.

 

O, kayo na ang bahalang humusga kay Bocalbos ha! Basta, nahaharap na nga tayo sa pandemic pagkatapos…lahat na ngang pulis ay nakapokus din sa pakikipaglaban sa COVID-19 pagkatapos…ano ba iyan!?

 

Anyway, sinasabing pinabulaanan ni Bocalbos ang akusasyon laban sa kanya.

 

Sa IMEG naman, Col. Lee, saludo kami sa inyo…may COVID-19 man, tuloy pa rin ang inyong pagbabantay laban sa mga pulis na inirereklamo. Iyan ang sinasabing cleansing program ni PNP Chief.

AKSYON AGAD
ni Almar Danguilan

About Almar Danguilan

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *