Friday , March 29 2024
LJ Reyes, Paolo Contis, Aki, Summer

LJ nagpa-iwan ng ‘Pinas para kay Paolo

FACT SHEET
ni Reggee Bonoan

TRULILI ba na matagal ng inaaya ng pamilya niya sa Amerika si LJ Reyes at nagpaiwan lang siya ng Pilipinas dahil kay Paolo Contis para mabuo ang pamilya nila pero nauwi sa wala?

Base sa ipinost ni LJ sa kanyang IG story tungkol sa pagmamahal ay maraming netizens ang nagkomento na ‘sana ol may pang NYC kapag heartbroken.’

May sumagot naman ng, “Bago pa mag-artista ‘yan nasa NYC na talaga immediate family and relatives niya, nagpaiwan na lang dito ‘yan dahil kay Paolo.”

Bukod dito ay marami rin ang nagsabing blooming si LJ sa mga larawang kuha niya nang dumalo sa nakaraang New York Fashion Week 2021 na nagpaka-fan girl siya sa American model na si Gigi Hadid.

Gusto naming dagdagan ‘yung sinabing nagpa-iwan si LJ sa Pilipinas, nangyari pa ito noong sumali siya sa Starstruck season 2 dahil gusto niyang mag-showbiz at the same time ay isasabay niya ang kanyang pag-aaral na kung hindi kami nagkakamali ay may kinalaman sa medisina ang kurso.

Kung tama ang pagkakatanda namin ay nurse o health worker ang mama ng aktres sa kilalang hospital sa New York City noon na retirado na ngayon dahil nagma-manage na ng sariling Bar and Restaurant katuwang ang kapatid ni LJ na may pamilya na rin.

Fast forward kung tama rin kami ay green card holder noon si LJ kaya nga roon niya ipinanganak ang panganay niyang si Aki at hindi nakasunod noon ang ama nitong si Paulo Avelino dahil hindi na-aprub ang US Visa.

Hanggang sa bumalik ng bansa si LJ kasama ang sanggol palang noon na si Aki hanggang sa nagkahiwalay na rin sila ng tatay ng panganay na anak.

Sa pagkakaalam din namin ay pinasusunod na nga ng NYC sina LJ at Aki noong sila na lang dalawa pero dumating si Paolo Contis sa buhay ng aktres at nagkaroon sila ng anak na si Summer na dalawang taon na ngayon.

At dahil nauwi sa hiwalayan ang pagsasama nina LJ at Paolo ay kinailangan ng una ng bagong paligid kaya siya lumipad patungong Amerika kasama ang dalawang anak.

Sa panayam ni LJ kay King of Talk, Boy Abunda ay wala siyang binanggit kung hanggang kailan siya mananatili sa Amerika at sa tingin namin ay matatagalan ang mag-iina roon dahil kailangan totally healed na ang aktres ‘pag naisipan niyang bumalik dito.

Sabi nga ng mga kaibigan niya ay tama lang ang ginagawa niya ngayon na mag-move-on at gawin ang mga bagay na makatutulong sa kanya para makalimot.

About Reggee Bonoan

Check Also

Audrey Avila

Audrey Avila, maraming pasabog ng eksena sa pelikulang Dayo

ALAM MO NA!ni Nonie Nicasio ANG pelikulang Dayo ang susunod na aabangan sa sexy actress …

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Leave a Reply

Your email address will not be published. Required fields are marked *