Klinton Start miss na ang mga kasamahan sa SMAC Pinoy Ito!

MATABIL
ni John Fontanilla

NAMI-MISS nani Klinton Start ang pagte-taping. Simula kasi ng mag-pandemic, pansamantalang nahinto ang regular show nila sa  IBC 13, ang SMAC Pinoy Ito! na nominado sa 34th Star Awards For Television para sa kategoryang Best Musical Variety Show.

Pati ang mga kasamahan nito sa nasabing programa ay miss na miss na rin niya dahil halos matagal na rin silang ‘di nagkikita at nagkakasama.

Mabuti na lang ay may pailan-ilang guesting ito sa mga show ng Net 25 kaya kahit paano, mayroon pa rin siyang raket. Pero siyempre, iba pa rin ang may regular show dahil  every week ay napapanood ka.

Wish nga nito na matapos na ang pandemya para bumalik na muli ang sigla ng showbiz. Sa ngayon, naka-focus muna si Klinton sa kanyang pag-aaral na kasalukuyan siyang nasa kolehiyo.