Sunday , October 17 2021
home school, remote schooling, learn from home

Kabataang Pinoy nahaharap sa ‘learning crisis’ sa ikalawang taon ng remote schooling

MANILA — Sa pagtanggi ni Pangulong Rodrigo Duterte sa panukala para sa pagbubukas muli ng mga primary at secondary schools sanhi ng pangamba na mahawaan ng CoVid-19 ang mga kabataan at ang mga nakatatanda, pinanatiling nakasara ng pamahalaan ang in-person classes simula nang magkaroon ng pandemyang.

Nananatiling tahimik ang mga silid-aralan habang milyong mga kabataan ang nagsimula sa kanilang online classes sa kani-kanilang tahanan kaya nangangamba ang mga eksperto na maaaring magkaroon ng ‘educational crisis’ sa bansa.

Noong Oktubre ng nakaraang taon, inilunsad ang ‘blended learning’ program na may online classes, printed materials at lessons broadcast sa telebisyon at social media, ngunit pinutakte ng iba’t ibang problema: karamihan ng mga mag-aaral sa bansa ay walang magamit na computer o wala rin internet sa kanilang bahay.

Mhigit sa 80 porsiyento ng mga magulang ay nag-aalala sa kanilang mga supling na “hindi gaanong natututo,” ayon kay Isy Faingold, ang education chief ng United Nations International Educational Fund (UNICEF). 

Sa pagtukoy sa isinagawang pag-aaral kamakailan, sinabi ni Faingold na ang “distance learning ay hindi maaaring itumbas sa in-person learning.”

“There was already a learning crisis before CoVid-19… it’s going to be even worse,” babala niya.

Batay sa datos mula sa Organization for Economic Cooperation and Development (OECD), ang mga kabataan sa bansa ay may kakulangan sa husay sa pagbabasa, matematika at agham.

Ang karamihan ay dumadalo sa mga pampublikong paaralan, na may malalaking klase, outdated na pamamaraan ng pagtuturo, kakulangan ng investment sa basic infrastructure tulad ng mga kasilyas, at kahirapan, ang sinisisi dahil sa mahinang performance ng mga estudyante.

Bumagsak ang enrolment sa 26.9 milyon para sa school year 2020 at ngayon bago pa man magsimula ang mga klase kamakailan, ito’y bumababa pa ng limang milyon, nangangamba si Faingold na maraming mag-aaral ang “hindi na makababalik.”

Ngunit umaasa siyang sa mga susunod na araw ay tataas ang enrolment.

Sa isang pahayag, sinabi ni University of the Philippines education professor Mercedes Arzadon, ‘ridiculous’ umano na panatilihing nakasara ang mga eskuwelahan habang ang ibang bansa, kabilang ang virus ravaged na Indonesia, ay nagpapakita ng posibilidad na maaaring magbukas muli nang ligtas para sa mga kabataan.

“Our youth’s future and well-being are at stake, and so is national development,” punto ni Arzadon. (TRACY CABRERA) 

About Tracy Cabrera

Check Also

1,000 benepisaryo ng “Cash For Work” tumanggap ng 4k (Sa Parañaque City)

AABOT sa 1,000 displaced workers mula sa iba’t ibang barangay sa District 1 ng Parañaque …

shabu drug arrest

Live-in partners, isa pa timbog sa buy-bust

SWAK sa kulungan ang live-in partners at isa pa sa isinagawang buy bust operation ng …

Ilegal na troso nasamsam sa Bulacan

NAKOMPISKA ng mga awtoridad ang mga ilegal na troso mula sa apat katao sa isinagawang …

9 tulak, 2 pugante deretso sa hoyo (Sa 24-oras police ops sa Bulacan)

SUNOD-SUNOD na pinagdadampot ang siyam na hinihinalang tulak ng ilegal na droga at dalawang pugante …

2 tulak sa Nueva Ecija todas sa buy bust ops (Pumalag, nanlaban)

TUMIMBUWANG ang dalawang hinihinalang tulak ng ilegal na droga nang makipagbarilan sa pulisya sa ikinasang …

Leave a Reply