Friday , March 29 2024

Jimmy, nagngingitngit kay Agot dahil Kapamilya?

SINAGOT ng Pagcor executive na si Jimmy Bondoc ang post ni Agot Isidro na inalmahan ang pagtapyas sa budget nito na nagtatawid ng tulong-pinansiyal sa mga tao.

Hindi lingid sa kaalaman ng ating mga kababayan na ang Pagcor ay takbuhan ng mga taong kapos at gipit.

Ani Agot, hindi raw makatwiran ang budget slash.

Saan mang tanggapan where money is involved, sandamakmak nga namang proseso ang kailangang pagdaanan bago mapasakamay ang financial aid na kaya lang ibigay nito.

Kung si Jimmy ang tatanungin, hindi raw ito red tape.

Bagama’t naiintindihan namin ang umiiral na SOP, hindi namin maunawaan ang tila pagpapamalas niya ng kapangyarihan nang hikayatin niya si Agot na subukang magtrabaho sa gobyerno.

Ito’y para mismong ang singer-actress na ang magsabing ang government service ay hindi madali.

Ang ikinawindang namin ay ang kabuntot na pahayag ni Jimmy na kung papayag si Agot ay kakausapin niya ang kanyang mga boss to take her in.

At hindi lang ‘yon sa Pagcor kundi saan pa mang ahensiya ng pamahalaan kung saan man naisin ni Agot.

Appointee lang si Jimmy ng administrasyon, mag-a-appoint pa siya?

The least na maaaring gawin ni Jimmy can do is to recommend an applicant to the proper office kung saan nababagay si Agot base sa kanyang kuwalipikasyon.

At gaano nakatitiyak si Jimmy na pangarap ni Agot magtrabaho sa gobyerno? At sa ilalim pa mandin ng Duterte government?

Ang aminin ni Jimmy, he has an axe to grind against the critics of this administration. And Agot being a Kapamilya actress whose home network is on the brink of closure ay buo na kumbaga ang equation.

Ayaw naming isipin na kaya ipinagtatanggol at binibigyang-katwiran ni Jimmy ang budget slash sa pondo ng Pagcor ay dahil sa estado niya sa buhay.

Hindi niya ramdam ang katayuan o sentimyento ng mga nagdarahop sa buhay. Wala sa talasalitaan niya ang salitang krisis.

Words like poverty, empathy and compassion do not exist in his vocabulary.

Hindi rin kaya ang pagiging Kapamilya ni Agot ang dahilan kung bakit lalong nagngingitngit si Jimmy? Remember na kung siya raw ang masusunod ay nais niyang magsara ang ABS-CBN.

Kaso ba ito ng “hampas sa kalabaw, sa kabayo ang latay?”

Hay, buhay.

(RONNIE CARRASCO III)

 

About Ronnie Carrasco III

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *