Thursday , March 28 2024
Globaltech Mobile Online Corporation, Peryahan ng Bayan, PCSO, Ombudsman, PLt Col Ritchie Claravall, QCPD-PS2, Masambong

Globaltech vs QCPD-PS2 Claravall, et al (Mga kasong kriminal at administratibo)

092721 Hataw Frontpage

SINAMPAHAN ng patong-patong na kaso sa Office of the Ombudsman nitong Biyernes, 24 Setyembre si P/Lt. Col. Ritchie Claravall at ang kanyang limang tauhan sa Quezon City Police District Masambong Station (QCPD-PS 2) dahil sa pagbalewala sa umiiral na kautusan ng korte sa patuloy na operasyon ng Peryahan ng Bayan ng Globaltech Mobile Online Corporation.

Batay sa mga reklamong kriminal at administratibo na inihain sa Ombudsman ni Cindy Labtang, Field Operations Officer ng Globaltech, direktang nilabag ni Claravall, station commander ng QCPD PS 2 at mga tauhan nito ang Republic Act 3019 o Anti-Graft and Corrupt Practices Act Section, 3A at E; Republic Act 6713 o Code of Conduct and Ethical Standards for Public Officials and Employees, Section 4 A at C; at Republic Act 6770 na may kaugnayan sa  Ombudsman Act, Section 19 (1, 2, 4 at 6) at Administrative Order 7, Rule 3 (Section A,  B, C, D, F at H).

Sa reklamo, binigyang diin ng Globaltech ang direktang paglabag ni Claravall at mga tauhan nito sa karapatan ng kompanyang ipagpatuloy ang operasyon nito na ginagarantiyahan ng status quo ante order na iniutos ni Presiding Judge Nicanor A. Manalo, Jr., ng Pasig Regional Trial Court Branch 161 noong 17 Mayo 2016.

Batay sa rekord, ang naturang kautusan ay kinatigan din ng Court of Appeals nang utusan ang Philippine Charity Sweepstakes Office (PCSO) na ipagpatuloy ang pagpapadala ng opisyal na kinatawan para sa PNB draw ng Globaltech.

Matatandaan, batay sa CA – G.R. SP No. 151727 at CA – G.R. SP No. 154056 noong 14 Enero 2019, nabigo ang petition for certiorari na inihain ng PCSO upang kanselahin ang operasyon ng Globaltech at unanimous na kinatigan ng Court of Appeals ang inilabas na status quo ante order ng Pasig RTC.

Hindi umano kinilala ni Claravall ang utos ng korte sa ginawa nitong pag-aresto at pagpapa­kulong noong 3 Agosto 2021 at pagsasampa ng kasong illegal gambling sa pitong tauhan ng Globaltech batay na rin sa affidavit of arrest at referral letter na isinumite sa Quezon City Prosecutor’s Office.

Samantala, kabilang sa mga sinampahan ng mga kaso sina P/Cpl. Wilford Cipriano, P/Cpl. Richard Valdez, P/SSgt. Christian Pasta, P/MSgt. Robinson Padilla, at P/MSgt. Alex Atchecoso.

About hataw tabloid

Check Also

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *