Friday , March 29 2024

Ginang nagsilang sa tulong ng MMDA vaccination team

MAKATI CITY, METRO MANILA — Matagumnpay na nagsilang ang misis ng isang tricycle driver sa tulong ng mga miyembro ng vaccination team ng Metropolitan Manila Development Authority (MMDA) habang ang ginang ay naroroon sa vaccination facility ng MMDA sa headquarters ng ahensiya sa Makati City.

Ayon sa mga tauhan ng MMDA, dumulog ang asawa ng ginang sa kanilang pasilidad dakong 5:00 pm nitong Lunes, Agosto 23, para humingi ng tulong sa kanyang 26-anyos na misis na nakararanas ng labor pain, indikasyon na malapit na siyang magsilang.

Agad nagresponde ang MMDA vaccination team sa situwasyon at dagliang naghanda ng makeshift delivery table habang tumawag ng ambulansiya. Dangan nga lang ay natagalan ang pagdating ng ambulansiya at makalipas ang 14 minuto ay nagsilang na ang babae ng malusog na sanggol na babae.

Sinabi ng team na nasa mabuting kalagayan ang mag-ina at dinala sila sa kalapit na ospital para sa pangangasiwa ng mga doktor.

Ayon sa ama ng sanggol, nagpunta sila ng kanyang misis sa lying-in clinic malapit sa Guadalupe Church ngnunit tinanggihan sila dahil sarado pa ang pasilidad nito. Kalaunan ay nagpunta sila sa Guadalupe Nuevo barangay hall ngunit pinaghintay hanggang sa nagdesisyon nilang dumulog sa MMDA.

Pinuri ni MMDA chairman Benjamin “Benhur” Abalos, Jr., ang mga miyembro ng kanyang vaccination team na tumulong sa mag-asawa at binigyang halaga ang tungkulin at tulong na naibibigay ng mga medical frontliners sa gitna ng pandemya ngayon.

“I commend the members of our vaccination team who responded to the appeal of this couple to help them and went beyond their call of duty,” wika ni Abalos, na isa rin abogado at dating alkalde ng lungsod ng Mandaluyong.

“In these trying times, we are very much grateful for all the work done by our frontliners and vaccination team. They don’t just vaccinate but they are also ready and willing to help those who need immediate medical attention,” dagdag ni Abalos.

Idiniin ni Abalos, ang tunay na mga bayani ngayon ay ang frontline workers na siyang humaharap sa mga nangangailangan  sa kabila ng banta ng CoVid-19.

“I appreciate all your hard work and sacrifices. You are indeed the true heroes in this pandemic,” aniya sa personnel ng MMDA.

Napagalaman, ang mga tumulong sa panganganak ng ginang ay nagmula sa Road Emergency Group ng MMDA. (TRACY CABRERA)

About Tracy Cabrera

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *