Friday , March 29 2024
Bureau of Immigration
Bureau of Immigration

99 bagong IOs ide-deploy na sa NAIA terminals, at iba pang ports

BULABUGIN
ni Jerry Yap

MALUGOD na inianunsiyo ng Bureau of Immigration (BI) ang kanilang accomplishments sa deployment ng kanilang 99 bagong mga pasaway ‘este’ Immigration Officers (IOs) sa Ninoy Aquino International Airport (NAIA).

Ang mga kasalukuyang IOs ay huling batch na sinanay ng ahensiya na pupuno sa kakulangan ng mga IOs sa tatlong terminals ng NAIA pati na sa ilan pang international ports sa Filipinas.

“Our new IOs have started reporting for duty in the three terminals of the NAIA since last week and they are currently undergoing on-the-job training prior to their full deployment in our immigration counters,” pahayag ni Port Operations Division (POD) chief, Atty. Carlos Capulong.

Sa kanyang report kay Commissioner Jaime Morente, sinabi ng tumatayong hepe ng POD na nakahanda na sa kanilang assignment na rotational shift kada linggo ang mga bagong sinanay na IOs upang maging bihasa sa mga pagsubok na kanilang haharapin bilang ‘border control officers’ ng bansa.

Ang payo ni Morente, pahalagan ang kanilang mga trabaho at magpakita ng propesyonalismo at integridad sa pagganap ng kanilang tungkulin.

“Now more than ever it is imperative for us to prove to our leaders and countrymen that we are dedicated to our mandate of protecting our borders from being infiltrated with unwarranted aliens,” ani Morente.

Muling ipinaalala ni Morente, bukod sa kanilang obligasyon sa bayan na bantayan ang bansa laban sa mga “undesirable aliens,” dapat din tiyakin na ang bawat Filipino ay hindi maging biktima ng malaganap na human trafficking.

Ang mga bagong Immigration Officers (IOs) ay tatlong buwan na nagsanay tungkol sa Immigration laws, rules and procedures, at iba pang kaugnay nito,  matapos silang mapili sa ilan libong aplikante para sa Immigration Officer 1 (IO1), isang plantilla position sa ahensiya.

Bukod sa kanilang deployment sa NAIA, inaasahan din na sila ay maitatalaga sa ibang airports na sarado pa at posibleng buksan, depende sa magiging desisyon ng pamahalaan.

“We believe that as more and more Filipinos are vaccinated, this pandemic will soon be a thing of the past and there will be an influx of international travelers into our country. Thus, this early we are already preparing and bracing for this eventuality,” dagdag na pahayag ni POD Chief Capulong.

Ani Morente, inaasahan nila na bago matapos ang taon ay isa pang batch ang maidaragdag sa kalipunan ng Immigration Officers sa kawanihan.

Ibig bang sabihin nito ay naghahanda ang BI sa kahihinatnan ng desisyon ng Office of the Ombudsman at DOJ tungkol sa mga naindulto sa ‘pastillas’!?

Curious lang po.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Leave a Reply

Your email address will not be published. Required fields are marked *