Friday , March 29 2024
Jason Aquino NFA rice National Food Authority
Jason Aquino NFA rice National Food Authority

Ex-NFA chief sinisi sa bumagsak na trust rating ng pangulo

SINISI si dating Natio­nal Food Authority (NFA) administrator Jason Aquino at sina­bing utak sa krisis sa bigas na dinaranas ng bansa na nagresulta sa paglobo ng inflation at naging dahilan ng pag­bagsak ng trust at approval rating ni Pangulong Rodrigo Duterte.

Ito ang inihayag kahapon ni Presidential Spokesman Harry Roque kaugnay sa pag­bagsak ng trust at approval rating ni Pa­ngulong Duterte batay sa pinakahuling survey ng Pulse Asia.

Aminado si Roque na ito’y dahil sa pagtaas ng presyo ng mga bili­hin, kasama ang bigas, kaya dapat managot si Aquino.

“Itong Jayson Aqui­no, dahil sa tingin ko singlehandedly, siya ang nag-create ng ganitong problema sa bigas na naging contributory doon sa pagtaas ng inflation rate natin, e dapat ma­nagot ‘no,” ani Roque.

Mula sa 88 percent approval ng Pangulo ay bumaba ito sa 75 porsi­yento at bumagsak din ng 15 porsiyento ang trust ratings niya, mula sa dating 87 porsiyento ay pumalo na lamang ito sa 72 porsiyento.

“Hindi naman siya sadsad, very good at saka pinakamataas pa rin sa buong gobyerno ang approval rating ni Pre­sidente. Bumaba nga lang, hindi natin maka­kaila iyan. At kami naman umaamin dahil iyan doon sa usaping malapit sa sikmura ng taong bayan, lalo na ang bigas,” dagdag ni Roque.

Nauna nang iniha­yag ni Roque, nakahan­da siyang tambakan ng kaso si Aquino para mabulok sa kulungan.

Hindi lang aniya kasong technical mal­versation kundi graft and corruption ang isasampa niyang asunto kay Aquino dahil sa idinulot na pinsala sa publiko, maging sa gobyerno. Paliwanag ni Ro­que, hindi ginastos ni Aquino ang pondo ng NFA para bilhin ang mga palay mula sa lokal na magsasaka na magagamit sanang buf­fer stock kaya’t ang resulta ay nag-aangkat ng bigas ang Filipinas sa ibang bansa at nagba­bayad sa mga dayu­hang magsasaka.

 (ROSE NOVENARIO)

About Rose Novenario

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *