Monday , September 27 2021

Vic sa mga gumagawa ng fake news — May paglalagyan kayo

KITANG-KITA KO
ni Danny Vibas

MAY ilang netizens pala na itsinitsismis na may relasyon si Vic Sotto sa bagong balik-Eat Bulaga co-host n’yang si Julia Clarete. May ilan ding nagsasabing buntis umano si Julia ngayon at si Bossing umano ang may kagagawan niyon.

May pasaring ang mister ni Pauleen Luna sa mga naninira sa kanya (at kay Julia na rin, na may asawang foreigner na chief executive ng Coca Cola Philippines). Heto ang mahabang pahayag ni Bossing kamakailan sa Eat Bulaga mismo:

“Eto, makinig kayo, hehehe!

“Sa mga… eto ang hugot ko for the day, sa mga nagsa-cyberbully o gumagawa ng fake news, o naninira ng tao sa social media lalo na… o sa ibang paraan…

“Lagi ninyong tandaan na may nasasaktan kayo, at iyan ay pagbabayaran ninyo. Huwag ninyong isipin na dahil pinalalagpas lang ng iba ay mahina o naduduwag.

“Nakikita kayo. Tandaan ninyo iyan, nakikita kayo, at hindi natin ‘yan palalampasin.

“Darating ang araw na may paglalagyan kayo. Ito ang huli… N’yo!

“Abangan. Abangan n’yo ‘yan. Yung mga nambu-bully o nami-meyk news, abangan niyo. N’yo!”

Nakangiti si Bossing Vic habang nagsasalita na parang pabiro, pero obvious na galit at gigil sa kung sino man ang nagkakalat ng mga pekeng balita.

Nakaiintriga ang sinabi ni Bossing Vic na, ”may paglalagyan kayo” at ‘yung idinidiin nila ang “n’yo” at “kayo.”

Kilala na kaya niya kung sino ang may kagagawan nito? Hindi lang isa, kundi marami sila?

Ano kaya ang balak niyang gawin sa mga taong nagkakalat nitong fake news, kaya sinasabi niyang ”may paglalagyan kayo?”  

About Danny Vibas

Check Also

Blind Item gay sex

Aktor walang takot makipag-sex basta may bayad

INAAMIN naman daw ng bi-sexual na male star na kuntento siya sa naging fling nila ng isang male star na …

Leave a Reply

Your email address will not be published. Required fields are marked *