Friday , March 29 2024

Sunshine Kapamilya na, Lovi Poe susunod

SI Lovi Poe ang napapabalitang susunod kay Sunshine Dizon sa paglipat sa ABS-CBN mula sa GMA 7.

Kahit wala pang lumalabas na ulat tungkol sa contract signing ng ABS-CBN at ni Sunshine, laganap na ang balitang nakalipat na si Sunshine at nakadalo sa story conference para sa unang seryeng lalabasan sa Kapamilya Network.

Pareho pala sina Sunshine at Lovi na ‘di na ini-renew ng GMA 7 ang respective contracts nila. Ibig sabihin, pwede na silang lumipat kahit saang network na interesado sa kanila. At ayon sa tsikahan ng showbiz insiders, posibleng sa ABS-CBN magkasunod lumipat ang dalawa.

Parang idi interesado ang TV5 na kunin sila. At parang ganoon din ang blocktimers sa TV5 na Cignal Entertainment at Brightlight Productions.

Actually, ang blocktimers ang nagpapasok sa Kapatid Network ng mga artistang galing sa Kapamilya Network at Kapuso Network. Pwede rin ang Viva Entertainment Group, pero ‘di naman ang Viva Artists Agency ang nagma-manage kina Sunshine at Lovi kaya ‘di namin ipinapasok ang TV 5 sa usapan.

May umeere pang show si Lovi sa GMA 7, ang romantic comedy series na Owe My Love, na si Benjamin Alvez ang katambal. Pero may showbiz sources na nagsasabing ang commitment ni Lovi sa Owe My Love ay bahagi pa ng kontrata n’yang natapos na noong July 2020. Ang kontrata na idi na ini-renew.

May balita rin na patapos na ang Owe My Love, kaya malaya na talaga si Lovi sa Kapuso Network.

Oo nga pala, ang isa sa mga nauna nang mag-ober da bakod sa ABS-CBN mula sa GMA 7 ay si Janine Gutierrez. Kasi nga ay ‘di na ini-renew ng GMA 7 ang kontrata n’ya.

Pero bakit ‘di na niri-renew ang kontrata ng mga artista sa panahong sikat na sikat pa rin sila?

Ang isang dahilan ay napakalaki na rin ng talent fees nila per project. Sa halip na silang mga “beterana” ang kunin, eh ‘di ‘yung iba na lang na sikat na rin naman pero ang talent fees ay higit na mas maliit kaysa mga beterano at beterana na.

At ang binibigyan ng GMA 7 ngayong 2021 ng malalaking projects ay ang mga artistang ang GMA 7 din naman ang nagsimulang magpasikat, halimbawa’y sina Sanya Lopez, Jasmine Curtis-Smith, Gabi Garcia, at Andrea Torres. 

Ang GMA 7 ang nagpabongga ng showbiz career ni Sunshine. Umabot pala sa 25 years ang pagiging isa sa favorite leading ladies ng Kapuso Network.

Si Lovi ay 17 years old pa lang noong nagsimula sa GMA 7. At ilang taon na ba siya ngayon?

Parang okey lang din naman na sa ibang network ipagpatuloy ng mga gaya nina Sunshine at Lovi ang maningning nilang career para ang mga mas bata naman sa kanila ang magningning sa langit-langitan ng Kapuso Network.

KITANG-KITA KO
ni Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *