Friday , March 29 2024

Quinn Carrillo nang-iintriga

HARD TALK!
ni Pilar Mateo

HINDI NGA madali para sa mga trabahador sa entertainment industry na mawalan ng pagkakakitaan sa panahon ng pandemya.

Pero higit sa kita, kailangan ding maging visible sa lahat ng pagkakataon, lalo pa at marami na ring platforms na maaari silang maabot ng balana.

Si Quinn Carillo ay parte ng grupong Belladonnas na katapat ng boy group na CliqueV sa 3:16 Media Network.

Pagsayaw at pagkanta ang forte ni Quinn. Na ang charm ay nasa morena looks.

Nabigyan ng pagkakataon si Quinn na maka-arte sa Silab ng Viva Films na tinampukan ng mga “kapatid” niya sa management na sina Cloe Barreto at Marco Gomez.

Sa July 6, 2021, masisilayan na ang Joel Lamangan project sa Vivamax.

“It’s a supporting role. Na may comic touch. And kikay ang character ko. ‘Am just happy na isang direk Joel pa ang nagbinyag sa aking pag-arte in my role as Ana’s (Cloe) friend. Mapapansin. ‘Yun ang sinabi ni direk sa akin.”

At habang umaandar ang panahon, nakakita ng pagkakataon ang kanyang management na isalang si Quinn sa isang online show with Lito de Guzman, China Roces, at Erika Embang, ang Sikat Noon, Sikat Ngayon sa EuroTV.

“Okay naman po ang unang salang ko. Exciting! Kasi, something new naman ito. Hahaha! Although nagho-host naman na kami dati sa Belladonnas ‘pag may shows. Pero iba kasi ‘yung kapag may spiels ka na kailangang memoryahin at doon sa ngayon na hosting namin, talagang ginagawa ‘yun. Hindi ka lang nag-i-intro ng guests pero nag-i-interview ka sa kanila.”

Para kay Quinn, maganda nga na bukod sa nakasanayan na nilang walang puknat na pagri-rehearse noon ng mga sayaw at kanta,  sa pagkakataong ito, may iba pa silang nadidiskubre sa mga kaya pa rin naman nilang gawin sa karerang pinasok at pinili.

“Sa sayawan, para hindi kami kalawangin ng mga kasama ko, gumagawa kami ng TikTok moves. Kaya rin, nagpapasalamat kami sa mga nakakapansin and recently, we had a show in Balesin. Kasama ko si Marco and si Ate Mia Pangyarihan. Kaya, we were lucky kasi, work with pleasure pa ang nangyari. Nakapagbakasyon pa rin.

“Itong online show with Tito Lito every saturday at 4 p.m. is a blessing. Kasi, may nadidiskubre pa rin ako sa sarili ko. Masarap rin pala ‘yung nakikipag-kuwentuhan ka sa iba’t ibang personalities. Kaya naiintindihan ko ang trabaho niyo. Ganoon pala ‘yun. Pero ‘yung pang-iintriga, sagot na ng mga kasama ko ‘yun. Hahaha!”

Kung may Brown Adonis na tinatawag, si Quinn ang Kayumangging Aprodite ng pinasok niyang mundo.

About Pilar Mateo

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *