Friday , March 29 2024

Mga pelikulang kalahok sa 4th PPP, posibleng mapanood sa mga sinehan

AMINADO si Film Development Council of the Philippines Chair Liza Dino na nagtatampo na sa kanya ang asawang si Ice Seguerra pati ang anak niya dahil hindi na niya naaasikaso ang mga ito. Abala kasi si Dino sa Sine Sandaan: The Next 100 na naka-line-up ang sandamakmak na activities.

Pero nilinaw naman niyang naiintindihan siya ni Ice at ng kanyang anak. Aniya, “Hindi rin sila makaalma kasi alam nilang para sa ibang tao ‘yung ginagawa ko, so kahit na nasasaktan sila ng personal, hindi sila puwedeng (magreklamo). Sobra namang supporting si Ice at ang anak ko.

“Yung daughter ko, dapat pandemic, dapat mas nakikita niya ako kaso buong araw na ako rito sa terrace namin, walang gumagambala sa akin. Nasa labas ako ng bahay. Two weeks na akong hindi ko sila naipagluluto. Kasi sa mga meeting ko, maaga na ‘yung 11:00 p.m. na matapos itong the whole September.”

Samantala, sa Oktubre 31-Nobyembre 15 na ang Pista ng Pelikulang Pilipino kaya marami ang nagtatanong kung posibleng sa mga sinehan mapanood ang mga kalahok na pelikula.

Sagot ni FDCP Chair, “We’re thinking that, we’re exploring that kasi panibagong discussion ‘yan with the producers. I’m sure they will have preferred that pero ngayon kasi kaya namin nakuha itong napakaraming films (100 films) ay iisa lang ang transaction so 100% of the proceeds will goes to them (producers).”

Excited na nga si Dino sa pagsisimula ng PPP dahil magaganda ang mga kalahok dito. Tampok dito ang mga pelikula mula sa local film festivals tulad ng Cinemalaya Philippine Independent Film Festival, Sinag Maynila Film Festival, Cinema One Originals Film Festival, CineFilipino Film Festival, ToFarm Film Festival, QCinema International, Film Festival, at Metro Manila Film Festival pati na rin mula sa iba’t ibang producers, at regional film festivals, at mula sa PPP, CineMarya Women’s Film Festival, at Sine Kabataan ng FDCP.

Bale ang bagong slogan ng nationwide film festival ay PPP4, Sama All hango mula sa sikat na, “sana all.”

Mayroong 13 curated sections ang PPP 2020: Premium, Classics, Documentary, Romance, Youth and Family, Genre, Regional Full-Length, Philippine Submissions to the Oscars, PPP Retro, LGBT, at Tributes para sa mga yumaong haligi ng industriya, at kasama rin ang CineMarya at Sine Kabataan.

Sa Premium section ay kasama ang mga pelikulang nagkaroon ng limited release o hindi pa naipalalabas sa Pilipinas habang kabilang sa Classics section ang mga obra ng National Artists for Cinema o Film mula sa Philippine Film Archive Collection ng FDCP gaya ng Genghis Khan (1950) ni Manuel Conde, Manila by Night (1980) ni Ishmael Bernal, at White Slavery (1985) ni Lino Brocka.

“Siguro nagulat lahat na bakit may mga ganitong rules, sana makita nila na we only have good intentions, walang masamang tinapay sa FDCP,” esplika ni Dino.

Maricris Nicasio

About Hataw Tabloid

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *