Friday , March 29 2024
Sarah Geronimo Mommy Divine Vice Ganda
Sarah Geronimo Mommy Divine Vice Ganda

Guesting ni Sarah sa GGV, ‘di ipinaere ni Mommy Divine

TALK of the town na naman si Mommy Divine Geronimo, ang ina ni Sarah Geronimo na siyang dahilan kung bakit hindi umere ang guesting ng anak sa Gandang Gabi Vice kamakailan.

Nabasa namin ang post ng kaibigang Ogie Diaz sa kanyang Facebook page tungkol kay Sarah.

Kuwento ni Ogie, “According to my source kung paniniwalaan ko, eh nag-react si Mommy Divine sa mga sagot ni Sarah sa mga intriguing questions ni Vice Ganda. Tulad sa “Guilty Or Not Guilty?” segment ng GGV, sa tanong ni Vice na, “Nakapanood ka na ba ng porn?” Pilyang ngiti daw ang naging reaction ni Sarah tapos sinagot niya ito ng, “Yes, pero ‘yung sa anime lang.

“Pati raw ‘yung kung was there a time na na-experience niyang matulog na may lalaking katabi at ilan pang naughty questions na pinati-trim nang pinati-trim ni Mommy Divine hanggang sa parang wala nang natitirang laman ‘yung episode, kaya minabuti na lang na ‘wag na itong iere.

“At kung kilala ko si Vice, feeling ko, “no more next time” na siya sa mga ganitong eksena para makaiwas na din sa trouble at sa gastos. Paano kaya ‘yon, no? Di ipinalabas so ano yon? Pinaabono sa Viva ang cost of production? Hintay tayo ng sagot mula sa mga inampalan. Baka mali rin ang dinig ko.”

Sabi naman ng nakatsikahan naming taga-ABS-CBN, ang Viva ang nakiusap na kung puwedeng i-guest si Sarah para sa promo ng Miss Granny.

“Nakiusap ang Viva sabi naming sa taga-Viva, ‘wag na baka masayang lang kasi maraming bawal itanong kay Sarah, eh, knowing Vice, hindi naman wholesome ang mga tanong niyon at saka hindi mo siya puwedeng diktahan kung ano ang puwede at hindi puwedeng itanong kasi show niya ‘yun. Siya (Vice) ang may say doon. Eh, makulit pa rin, eh, ‘di pinagbigyan, tapos ang ending ang daming bawal, eh, wala naman talaga natira na sa interview.”

Ang nanay daw ni Sarah ang nagsabing huwag nang i-ere ang guesting nito.

“Si Mommy Divine naman din mismo ang nagsabing huwag nang i-ere. Feeling ko si Sarah din ayaw ng ipa-ere kasi nga ‘di ba wholesome image siya? Eh, hindi naman wholesome ‘yung mga tinanong tapos kung ano-ano pa isinagot niya sa mga tanong ni Vice,” kuwento sa amin.

May dapat bang bayaran ang Viva sa nasayang na oras ng taping ni Sarah sa GGV na hindi umere?

“No idea kasi higher management na ang kausap nila (Viva/Sarah), basta ang sabi lang hindi na eere ang episode ni Sarah,” sagot sa amin ng taga-Dos.

Ilang taon na ba si Sarah at hanggang ngayon ay marami pa rin siyang bawal gawin sa paningin ng magulang niya?

Well, magulang kasi iyon kaya lang artista ang anak ni Mommy Divine at hindi naman ang GGV ang humiling na i-guest si Miss Granny.

Akala namin ay naglie-low na si Mommy Divine kay Sarah dahil nakikita naming malaya na siyang nakaaalis ng walang chaperon kapag may date sila ng boyfriend niyang si Matteo Guidicelli.

Baka naman may usapan na pagdating sa lovelife ay hindi puwedeng rendahan si Sarah at sa trabaho lang may say si Mommy Divine?

Sayang lang ang GGV guesting dahil ‘yung iba nga gustong-gustong mag-guest kay Vice maski na nababalahura sila dahil malaking exposure ‘yun no!  Lalo’t numero unong pinanonood ng TFC subscribers ang programa bukod sa It’s Showtime at mga teleserye ng ABS-CBN.

In fairness, pitong taon na pala ang Gandang Gabi Vice.

FACT SHEET
ni Reggee Bonoan


Crazy Rich Asians, pinakamalaking kinita sa ‘Pinas
Crazy Rich Asians, pinakamalaking kinita sa ‘Pinas

About Reggee Bonoan

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *