Monday , October 18 2021
Cinema One Originals
Cinema One Originals

 Cinema One Originals 2018, nakasentro sa krimen

MUKHANG totoo sa kanilang press release ang Cinema One Original sa paghahatid ng mga pelikulang kasali sa kanilang Cinema One Originals 2018 na ang mga tampok na pelikula ay hindi lang maganda kundi flawsome.

Ngayong taon, nakasentro sa krimen ang karamihan sa mga kuwento ngunit mula sa iba’t ibang perspektibo.

Nariyan ang A Short History of a Few Band Things ni Keith Deligero, ang pinaka-diretsahan, isang noir procedural na may temang socio-political.

Inilalarawan naman ng What Home Feels Like na idinirehe ni Joseph Abello ang kanyang ikalawang pelikula na Double Twisting Double Back bilang sports crime film na nakasentro sa buhay gymnast.

Ang Hospicio, ang nagsisilbing pagbabalik ni Bobby Bonifacio sa paggawa ng pelikula, na tila sequel sa kanyang Numbalikdiwa, na nagsimula sa isang krimeng hindi matagumpay at nauwi sa isang hospisyong tila nababalot ng lagim.

Nagbabalik si Carl Papa ( ng Manang Biring) sa isang animated feature na may titulong Paglisan, na tungkol sa mag-asawang nagsisikap buhayin ang kanilang pagsasama habang hinaharap nila ang pagsubok ng sakit na dementia.

Tungkol naman sa isang transgender na magiging surrogate mother sa kanyang transgender na pamangkin ang Mamu And A Mother Too ni Rod Singh.

Kuwento ng Pang MMK ni John Lapus ang buhay ng isang binatang bumisita sa libing ng kanyang amang malayo sa kanya, ang pagbisitang magdadala sa mga hindi inaasahang pangyayari.

Ang Never Tear Us Apart ni Whammy Alcazaren (director ng Islands) ay iikot sa Third World espionage na may halong old country folklore.

Kakaiba rin ang Asuang ni Ryan Brizuela na tungkol sa kuwentong superhero inversion. At ang Bagyong Bheverlyn ni  Charliebebs Gohetia ay iikot naman sa isang sawi sa pag-ibig na babae na malalamang may bagyong parating na ang bagyo ay mula sa kanyang nararamdaman. At para mapigilan ang pamiminsala nito ay kailangang hanapin niya ang kanyang kaligayahan.

Ang Cinema One Originals ay binuo sa ilalim ng festival partnership program sa Film Development Council Of The Philippines (FDCP). Abangan ang lahat ng mga tampok na pelikula simula Oktubre 12 hanggang 21 sa TriNoma, Glorietta, Gateway, Santolan Town Plaza, at sa Powerplant; sa Cinelokal theaters—SM North Edsa, SM Megamall, SM Manila, at SM Sta. Mesa, at sa alternative cinemas—FDCP Cinematheque Manila, Up Cine Adarna, Cinema ’76, Black Maria Theater at Cinema Centenario.

Mabibili ang ticket sa halagang P200 bawat isa para sa major at alternative cinemas, at sa halagang P150 naman para sa mga estudyante at sa SM CineLokal theaters.

 SHOWBIZ KONEK
ni Maricris Valdez Nicasio  

About Maricris Valdez Nicasio

Check Also

Cassy Legaspi, Beautederm, Rhea Tan

Rhea Tan thrilled kay Cassy Legaspi – She embodies the vibrancy of youthfulness

SHOWBIZ KONEKni Maricris Valdez Nicasio BAHAGI na ng lalo pang lumalaking pamilya ng Beautederm Corporation ang TV …

Gary Valenciano

Gary muling nanganib ang buhay

MA at PAni Rommel Placente MASAYA kami para sa idol naming si Mr. Pure Energy Gary …

RS Francisco

RS Francisco no to politics

MATABILni John Fontanilla ILANG buwan na lang at magaganap na ang Halalan 2022, pero noon …

Rabiya Mateo

Rabiya tututukan muna ang showbiz career

MATABILni John Fontanilla WALANG balak na muling sumali sa ibang beauty pageant ang 2020 Miss Universe …

Boy Abunda, Times Square, New York

Boy Abunda nanggulat sa digital billboard sa Times Square

HARD TALK!ni Pilar Mateo NASA New York, USA ang King of Talk na si Boy Abunda para …

Leave a Reply