Friday , March 29 2024
Carlo Paalam Galal Yafai
Carlo Paalam Galal Yafai

Carlo Paalam tuluyan nang nagpaalam sa gintong medalya

TOKYO – Yumuko si Carlo Paalam kay Great Britain’s Galal Yafai sa men’s flyweight final ng boxing sa Tokyo Olympics nung Sabado para mabigong sungkutin ang gold medal at magkasaya na lang sa silver medal sa edisyon ng Olympic Games na kung saan ay nagpamalas ng pinakamandang performance ang ating mga boksingero.

Maganda ang naging panimula ni Paalam pero higit na maraming sorpresa ang ipinakita ng British fighter sa kanyang kamao.

Nagpakawala ng apat na suntok si Yakai na sinundan ng right jab-left straight para pabagsakin si Paalam sa nalalabing isang minuto at 48 segundo sa first round.

Bagama’t nakasalba si Paalam sa nasabing round, hilo pa ito sa sumunod na round para pumuntos pa si Yafai samantalang naghahabol ng puntos ang 23-year-old na taga Cagayan de Oro City.

Nakabawi ng hangin si Paalam sa second round, pero mabilis si Yafai sa kanyang mga jabs para mapanatili ang tikas.  Ibinigay ng mga hurado ang 2nd round kay Paalam maliban sa isa mula Peru na pumabor sa British boxer.

Sa 3rd round ay tipong nakabawi na nang husto si Paalam pero naging mautak na sa laro si Yafai na dumistansiya na sa bakbakan at umiwas na nang umiwas sa atake ni Paalam.

Bagama’t bigo si Paalam na masungkit ang gintong medalya, tinatayang ito pa rin ang pinakamagandang performance ng mga Pinoy sa Olympics sa pagkakasungkit ni Hidilyn Diaz ng unang ginto ng bansa sa women’s -55 kgs sa weighlifting.

Ang silver ni Paalam ay ang ikalawa para sa Pilipinas—at maging sa kampanya ng boxing—pagkaraang masungkit ni Nesthy Petecio ang silver sa women’s featherweight.  Si middleweight Eumir Felix Marcial ay nag-uwi ng bronze mula rin sa boxing.

“Nagpapasalamat ako sa Panginoon sa pagbbigay ng lakas sa akin at naabot ko ang pangarap ko, first time kong nakalaro ng Olympics sa ganitong edad ko,” sabi ni Paalam. “Halos lahat ng mga magagaling nandito, mga second time Olympian, mga ilang taon nang naging Olympian … ako papasok pa lang.”

Sa edad na  23,  malayo pa ang mararating ni  Paalam sa  boxing.  Pero sa kasalukuyan ay nanamnamin na muna niya ang kanyang tinamong karangalan sa Olympics.

“Itong medal na ito ay simbolo ng buhay ko. Isa akong mangangalakal at itong medalya ay gawa sa mga sirang gadget po,” sabi niya. “Sa basura siya galing, kaya nai-connect ko po siya sa buhay ko.”

Dagdag pa ni Paalam: ‘Yan po ang pinanghugutan ko para makuha ko ito. Nagpapasalamat po talaga ako sa Panginoon kasi nabago po ang buhay ko dahil dito sa medalya na ito.”

Pinuri ni Association of Boxing Alliances in the Philippines President Ricky Vargas ang apat na Filipino boxers sa  Tokyo, kasama si women’s flyweight Irish Magno, sa kanilang naging accomplishment.

“My gratitude to team ABAP—four boxers going home with two silvers and one bronze, we’re very proud of all of you,” Vargas said in a statement. “Sumbag Pinoy! Salamat sa lahat ng supporta PSC [Philippine Sports Commission], POC [Philippine Olympic Committee] at MVP Sports Foundation.

“Without your support, we could have not achieved this level of performance. Sana nandyan pa kayo in the future,” dagdag ni Vargas. (PUBLIC COMMUNICATIONS OFFICE)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *