Saturday , October 16 2021

Boracay muling binuksan sa turista

MALA-KAPISTAHAN ang pagbubukas ng Boracay sa mga lokal na turista nitong Lunes makaraang isara nang anim buwan upang isa­gawa ang rehabili­tasyon.

Sa “dry run” ng pagbubukas ng isalan, idineklara ni Environment Secretary Roy Cimatu na malinis nang muli ang tubig ng Boracay at ma­aari nang pagpali­guan.

Isinara ang Boracay makaraan tawagin ni Pangulong Rodrigo Du­ter­te na “cesspool.”

Sinabing batay sa isinagawang pagsusuri sa kalidad ng tubig ng Boracay, lumitaw na 18.1 mpn (most probable number) per 100 ml ng coliform.

Dating umabot sa 1 million mpn per 100 ml ang coliform sa tubig-dagat ng isla.

Nagsagawa ng count­down ang mga turista bago sila pinayagan ma­kalangoy sa dagat.

Bago nito, naglunsad din ng seremonyang “salubungan” sa dalam­pasigan ang mga Bora­cay­non at Aklanon na naging simbolikong pag­sa­lubong nila sa mga turista.

Ayon kay Aklan Go­ver­nor Florencio Miraflo­res, sa 26 Oktubre (Biyer­nes) ang “soft ope­ning” ng isla na maaari na rin magpunta ang mga dayuhang turista.

Habang pinaala­la­hanan ng Department of Tourism ang mga mag­pupunta sa Boracay na tiyakin kasama sa mga accredited hotel ang mga tutuluyang establi­simi­yento.

Sa ngayon, mayroong 68 hotel na pinayagang tumanggap ng reser­vation.

Ang mga magtutu­ngo sa Boracay na walang tiyak na tutu­luyang ac­credited hotel ay maha­harang umano sa airport.

About hataw tabloid

Check Also

1,000 benepisaryo ng “Cash For Work” tumanggap ng 4k (Sa Parañaque City)

AABOT sa 1,000 displaced workers mula sa iba’t ibang barangay sa District 1 ng Parañaque …

shabu drug arrest

Live-in partners, isa pa timbog sa buy-bust

SWAK sa kulungan ang live-in partners at isa pa sa isinagawang buy bust operation ng …

Ilegal na troso nasamsam sa Bulacan

NAKOMPISKA ng mga awtoridad ang mga ilegal na troso mula sa apat katao sa isinagawang …

9 tulak, 2 pugante deretso sa hoyo (Sa 24-oras police ops sa Bulacan)

SUNOD-SUNOD na pinagdadampot ang siyam na hinihinalang tulak ng ilegal na droga at dalawang pugante …

2 tulak sa Nueva Ecija todas sa buy bust ops (Pumalag, nanlaban)

TUMIMBUWANG ang dalawang hinihinalang tulak ng ilegal na droga nang makipagbarilan sa pulisya sa ikinasang …

Leave a Reply