Friday , March 29 2024
shabu drug arrest

Bebot, 2 kelot ‘suminghot’ natimbog

TATLO katao kabilang ang isang babae ang huli sa aktong sumisinghot ng shabu sa Valenzuela City, kahapon ng madaling araw.

Kinilala ni P/Lt. Joel Madregalejo, hepe ng Station Drug Enforcement Unit (SDEU) ng Valenzuela Police ang inarestong suspek na sina Jayson Abucot, 41 anyos, obrero; Jonathan Pusing, alyas Atan, 36 anyos, pedicab driver, at si Josie Santos, 21 anyos, pawang residente sa Pinalagad, Brgy. Malinta.

Sa report ni P/SMSgt. Fortunato Candido kay Valenzuela police chief Col. Ramchrisen Haveria, Jr., dakong 4:00 am nang magsagawa ang mga operatiba ng SDEU sa pangunguna ni P/Lt. Madregalejo ng validation sa Area 1 Pinalagad, Brgy. Malinta, base sa natanggap na ulat mula sa isang concerned citizen hinggil sa nagaganap na ‘illegal drug activities’ sa lugar.

Dito, naaktohan ng mga operatiba ang mga suspek na sumisinghot ng shabu sa loob ng isang walang numerong bahay dahilan upang arestohin ang tatlo.

Nakompiska sa mga suspek ang tinatayang nasa tatlong gramo ng hinihinalang shabu, may standard drug price na P20,400, isang bukas na transparent plastic sachet, cellphone, at ilang drug paraphernalia.

Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002. (ROMMEL SALES)

About Rommel Sales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …