HATAW! D'yaryo ng Bayan hatawtabloid.com
HINDI itinanggi ni Kris Aquino na OTWOLISTA siya dahil kahit na busy siya sa taping ng Kris TV ay nagawa niyang abangan ang Final Flight ng On The Wings of Love nina James Reid at Nadine Lustre noong Biyernes kasama ang ilang kaibigan at staff ng programa niya.
Balik-tanaw tayo na humingi ng dispensa si Kris sa OTWOLISTAS at fans ng JaDine dahil hindi na raw niya gaanong nasubaybayan ang kuwento nina Clark at Leah dahil kailangan niyang sabayang matulog ng 9:30 p.m. ang mga anak niyang sina Josh at Bimby noong mga panahong pinayuhan siyang magpahinga ng doktor dahil sa pabalik-balik na pagtaas ng blood pressure niya.
Ang seryeng FPJ’s Ang Probinsiyano at Pangako Sa ‘Yo ang nasubaybayan niya ng ilang gabi simula noong hindi siya naglalabas ng bahay niya.
Kaya noong Biyernes ng gabi ay talagang inabangan ni Kris ang pagtatapos ng love story nina Clark at Leah at siya rin mismo ang nagluto ng hapunan nila habang pinanonood ito.
Base sa post ng TV host sa kanyang Instagram, ”I caught the KISS! Silipin n’yo- wipe out- I cooked Swift Corned Beef for my hungry #OTWOLISTAS. Alam n’yo little sincere gestures matter a lot,@nadzlustre finds time to make me kamusta sa text & I was so touched when I was lying low, sa ka busy-han n’ya, she said may birthday gift s’ya for me & wanted to visit- plus she shared w/ me before their big reveal na “super happy” siya. Congrats @dreamscapeph!#IStillBelieveInHappilyEverAfter”
Si Darla ay nag-post din ng, ”kanina (Biyernes ng gabi) sa#OTWOLTheLastFlight. Ang saya pero naiinggit ako kina Leah at Clark. Kaya si@kriscaquino, the sweetest as always, pinagluto kami ng Swift Corned Beef na bago kong paborito. Happy na ako! FOODever lang talaga ang meron ako. Hahaha! Thanks Krisy! Thanks my co-OTWOListas!”
FACT SHEET – Reggee Bonoan
