Panaginip mo, Interpet ko: Crush in the coffin

Dear Señor H,

Yesterday night, nanaginip ako, and in my dream, there is my crush, pero patay na siya at na-kaburol, what does it means ?

                                             (09485955768)

To 09485955768,

Ang bungang-tulog ukol sa crush ay nagpapakita ng literal na repleksiyon ng iyong atraksiyon sa taong napanaginipan mo na may crush ka. Normal lang ang ganitong bagay na mapanaginipan ang iyong crush, dahil kung laging laman siya ng iyong isipan, natural na napakalaki ng posibilidad na mapanaginipan mo siya. Mag-ingat lang sa pakikipagrelasyon na ikaw ang agresibo o ikaw lang ang may totoong feelings, dahil baka gamitin ka lang at sa bandang huli ay masaktan ka lang.

Ang panaginip mo ukol sa patay ay maaaring babala na may kaugnayan sa mga negatibong bagay at tao sa paligid mo na labis na nakaka-impluwensiya sa iyo. Ikaw ay nakikihalubilo sa maling grupo ng mga tao at ito ay maaaring magbunga ng material loss. Posible rin na nagsasaad ito na nami-miss mo ang mga malapit sa iyo at mga mahal sa buhay na sumakabilang buhay na. Sa kabilang banda, ang panaginip mo ay isang paraan din na nagiging daan upang maging outlet para mas makayanan ang sinapit na pagkawala ng minamahal sa buhay. Maaari rin na ang ganitong klase ng panaginip ay may kaugnayan sa trauma o takot na muling mangyari ang mapait na karanasang tulad nito o takot na mawalan muli ng mahal sa buhay.

Maaaring babala rin sa iyo ito na dapat manaig ang isipan sa iyong nararamdaman sa crush mo. Kaya dapat na huwag maging padalos-dalos sa mga desisyon sa buhay, kasama na ang ukol sa iyong lovelife. Good luck sa iyo and God bless.

Señor H.