Private citizen ayaw maging senador si Pacman (Absenero kasi…)

BUKOD sa kulang ang kuwalipikasyon, absenerong mambabatas mula sa Saranggani si Emmanuel “Manny” Pacquiao o mas kilala sa tawag na Pacman.

Ayon sa petitioner, kulang na kulang sa kuwalipikasyon si Pacman kung aambisyonin niyang maging isang Senador.

‘Yung kuwalipikasyon, sabi nga ng matatandang politiko, madaling remedyohan ‘yan.

Pwedeng kumuha ng magagaling na legal advisers o sulsoltants ‘este’ consultants si Pacman.

Mukhang madali rin naman siyang i-tutor para mahasa siya sa deliberasyon sa Plenary Hall.

Sa panahon na wala siyang laban, pwede niyang ibuhos sa pagbabasa ang kanyang oras para naman makaangkop siya sa kanyang gawain bilang mambabatas.

Pero iba ang problema ni Pacman.

Ang problema niya sa paglilingkod sa sambayanan ay ‘yung hindi niya alam kung ano raw ang kanyang PRIORITIES.

Hindi niya mabitawan ang kanyang pagiging boksingero dahil siyempre ‘yan ang bread and butter niya.

At hindi simpleng bread & butter. Boxing made him a billionaire.

Aber, paano mong bibitiwan ang pagiging boksingero kung ‘yan ang nagbibigay sa iyo nang milyon-milyon o bilyones pa?!

Masyado rin siyang busy sa pagpapalaganap ng salita ng Diyos ‘di ba?

Kaya hindi na tayo nagtataka kung maging ABSENERO man siya sa Kongreso.

At ‘yun ang dapat arestohin ni Pacman. ‘Yung dahilan ng pagiging absenero niya. Pero sa sistema ng kanyang buhay, napakaimposibleng mangyari iyon.

Mas dapat nga sigurong tigilan niya ang pagpasok sa politika, dahil sa karanasan hindi naman niya ito nagagampanan nang tama.

Dapat siyang mahiya sa sambayanan.

Marami tayong mga kababayan na handang maglingkod at kayang ibigay ang kanilang buong oras at talino para maging mambabatas.

Marami silang mga tunay at deserving na maging mambabatas… ‘yun nga lang hindi nila magiba-giba sa ‘PODER’ ang sistematikong pagpupundar ng mga  miyembro ng dinastiya sa politikang Pinoy.

Kaya unsolicited advice lang kay Pacman, malaking tulong mo na sa sambayanan na tantanan ang pag-aambisyon sa politika…

Please lang, Manny.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com