Meg, napagod sa pagsabak sa horror

UNANG sabak sa horror film ni Meg Imperial ang pelikulang Chain Mail na showing sa July 22. Mas nakakapagod daw itong gawin at exhausted kaysa magpa-sexy. Parang gusto na raw niyang magpahinga buong araw after mag-shoot nito.

Naniniwala si Meg sa chain–letter /chain mail dahil noong high school sila ay ipinapasa niya ito para hindi siya malasin o baka may masamang mangyari sa kanya. Takot din siyang putulin ang chain letter.

Kasama ni Meg sa horror flick na Chain Mail sina Shy Carlos, AJ Muhlach, Khaleb Santos, Mark Bautista, Jackie Lou Blanco, John Regala, at may at may special participation siNadine Lustre. Produced by Viva Films at idinirehe ni Adolfo B. Alix, Jr..

Ang Chain Mail ay bumabalot sa misteryo at pagkamatay ng ilang tao na hinihinalang pinadalhan at nakatanggap ng isang chain mail. Pinaniniwalaan na may dalang sumpa sa mga makakabasa at isasawalang bahala ito.

Sa presscon ng naturang pelikula ay hindi pa rin maiwasang itanong kay Meg ang naudlot nilang romansa ni JM De Guzman. Naniniwala siya na may tamang lalaki na darating sa buhay niya kaya hinayaan na lang niyang magkabalikan sina JM at Jessy Mendiola.

TALBOG – Roldan Castro