Panaginip mo, Interpret ko: Sumuka nang sumuka

Gud pm Señor H,

Musta po kyo Sir, nag-text ako dahil sa dream ko na ukol sa pinto d ko raw ito mabuksan, then sumuka nang sumuka ako nang marami, sana po matulungan nyo akong intindihin ito. Maraming salamat po. I’m Yollie, wag nio na po lalagay cp ko…

To Yollie,

Ang pinto sa panaginip ay may kaugnayan sa mga bagong oportunidad na maaaring dumating sa iyo. Ito ay posibleng nagsasabi, lalo na kung papasok ka sa pinto, na ikaw ay nasa bagong stage ng iyong buhay at umaangat ka sa isang level ng consciousness. Kapag bukas naman ang pinto, ito ay nagsasaad ng receptiveness at willingness upang tanggapin ang mga bagong idea. Kung may nakitang liwanag sa likod ng pinto, nagsasabi ito ng pagtungo sa mas maliwanag na kamalayan at ispiritwalidad. Kung sarado naman ang pinto, may kaugnayan ito sa mga pagkakataon na na-deny sa iyo o na-miss mo dahil mayroong bagay o tao na hinaharang ang iyong pag-unlad. Kaya dapat kang maging alisto at mag-ingat sa ganitong klase ng mga tao.

Ang panaginip mo naman na suka ka ng suka ay nagsasabi na kailangang mong i-reject o i-discard ang ilang aspeto ng iyong buhay na nakakainis o hindi maganda. Mayroong ilang emotions o concepts na dapat mong harapin at pakawalan para mag-move-on ka na. Kapag nakakita naman ng ibang tao na sumusuka, nagsasaad ito ng false pretenses ng ibang tao na gusto ka lang pagsamantalahan o gulangan.

Señor H.