Cavs naitabla ang serye

 

NAITAKAS ng Cleveland Cavaliers ang 95-93 overtime win laban sa Golden State Warriors matapos ang Game 2 ng 2014-15 National Basketball Association Finals kahapon.

Tumikada ng triple-double si basketball superstar LeBron James para itabla sa 1-1 ang kanilang best-of-seven series.

Kumana si James ng 39 points, 16 rebounds at 11 assists para punan ang pagkawala nina former three-point king Kevin Love at All-Star point guard Kyrie Irving.

“When we defend like we did tonight, we’re going to give ourselves a chance to beat any team in this world,” saad ni four-time NBA MVP James.

Bumira naman ng double-double si Cleveland Russian center Timofey Mozgov matapos magtala ng 17 puntos at 11 rebounds habang nag-ambag sina J.R. Smith at Matthew Dellavedova ng 13 at nine puntos ayon sa pagkakasunod.

Umarangkada naman para sa Warriors si Klay Thompson na may 34 puntos at limang rebounds habang si MVP Stephen Curry at nagsumite ng 19 markers, anim na boards at limang assists.

Samantala, ang Game 3 ay ilalaro sa Cleveland.

ni ARABELA PRINCESS DAWA