62-anyos ina tinangkang halayin ng anak

DETENIDO sa piitan ng Lungsod ng San Jose del Monte, Bulacan ang isang 27-anyos lalaki makaraan tangkaing halayin ang kanyang 62-anyos ina sa loob ng kanilang bahay sa Brgy. Gumaok Central sa nabanggit na lungsod.

Ayon sa ulat ng pulisya, dakong 3 p.m. kamakalawa habang mahimbing na natututog sa kanyang silid ang biktimang si Emily Lozada nang pumasok ang suspek na si Roberto Lozada na tinakpan ng unan ang mukha ng ina.

Pagkaraan ay hinubad ng suspek ang kanyang suot na short pants at underwear saka kinubabawan ang ina.

Ngunit nakita ang insidente ng nakababatang kapatid ng suspek kaya agad humingi ng tulong sa pulisya na nagresulta sa pagkakadakip sa salarin.

Hinihinalang nasa impluwensiya ng bawal na droga ang suspek kaya napagtripang halayin ang sariling ina.

(DAISY MEDINA)