Bakat ng bebot dinakma ng sidecar boy (Nakatulog sa ospital)

KALABOSO ang isang 32-anyos sidecar boy makaraan hipuan ang isang natutulog na babae sa loob ng pedia ward sa ikalimang palapag ng Sta. Ana Hospital kahapon ng madaling-araw.

“Natutulog po ako, akala ko noong una nananaginip lang ako, pinabayaan ko pero noong pangalawa e talagang gising na gising na ako, kaya sinipa ko siya.”

Ito ang salaysay ng biktimang si Doria, 24, laban sa suspek na si Chuck Lester Valdeza, 32, residente ng 1161 Arellano St., Singalong.

Ayon sa reklamo ng biktima sa Manila Police District-Women’s and Children Protection Section, naganap ang insidente dakong 3 a.m. habang nagbabantay siya sa kanyang pamangkin na naka-confine sa nabanggit na pagamutan.

Isinumbong ng biktima sa security guard na si Rodolfo Cruz ang insidente. Agad na dinakip ng gwardiya ang suspek at dinala sa himpilan ng pulisya.

“Nagpatay malisya pa muna ang suspek na mayroon din binabantayan na pasyente sa pedia ward, natulog ulit matapos sipain ng biktima, pero hindi naman pumalag nang arestohin ko,” ayon kay Cruz.

Sinampahan ng kasong act of lasciviousness ang suspek sa Manila Prosecutor’s Office.

(LEONARD BASILIO)