Feng Shui: Banyo ideal place para sa pag-aaruga sa sarili

ANG pag-aaruga sa sarili ay mahalaga kung nais mong maging masigla ang pakiramdam at kaanyuan upang magkaroon ng enerhiya para sa pagtamo sa iyong mga adhikain. Ang bathroom ang ideal place para sa pag-aaruga sa sarili. Kung sa kasalukuyan, hindi mo ito nararamdaman sa iyong banyo, maaari mong isagawa ang simple ngunit hindi magastos na pagbabago nito para maging place of renewal.

*Palitan ang kulay ng banyo: Ang pagpipinta ay hindi mahal na paraan ng pagpapaganda sa lugar. At dahil ang kulay ay mahalaga sa Feng Shui, ikonsidera ang mga kulay na mainam sa iyong banyo. Ang mga kulay na ito ay green, yellow, blue, silver sage, lavender, at yellow. Dahil ang banyo ay mayroon nang malawak na water energy, ang paggamit ng mga kulay na nababagay sa “wood element” katulad ng lighter shades ng blues and greens, ang babalanse sa water element.

*Maglagay ng pabango: Inihahalintulad natin ang paglalagay ng pabango sa banyo sa “spa-like” atmosphere. Ang pabango ay naghihikayat ng positibo at very relaxing na pagdaloy ng chi sa lugar. Ang small pots ng fresh herbs, katulad ng lavender, rosemary or sage, ay nagdadagdag ng calming scents sa lugar, habang ang inu-offset ang water element sa kwarto. Ang herbs ay hindi mahal na halaman na may malakas na healing powers bukod pa sa ito ay mabango.

*Mag-organisa – I-organisa ang mga item sa iyong banyo upang magkaroon ng positibong Feng Shui opportunities. Tanggalin ang mga kalat at maglagay ng mga elementong magbabalanse sa lugar. Ang paggamit ng natural baskets upang mailigpit ang nakakalat na items ang babalanse sa water element at mainam ding dekorasyon.

ni Lady Choi