HATAW! D'yaryo ng Bayan hatawtabloid.com
DAVAO CITY – Patay ang isang ginang nang sumabog ang pinakuluang gas na napagkamalang tubig.
Kinilala ang biktimang si Lina Orosal, 54, may asawa, at nakatira sa Prk. Pag-asa, Brgy. Binaton, Digos City.
Batay sa ulat, dakong 6 a.m. nang magpapakulo sana ng tubig ang biktima nang aksidente niyang makuha ang isang gallon na may lamang gas.
Inilagay niya ito sa takuri at isinalang sa apoy nang biglang sumabog at nagliyab.
Nagawa pa ng ginang na tumakbo palabas ng bahay habang nagliliyab ang buong katawan.
Agad siyang dinala ng kanyang kapitbahay sa ospital ngunit dahil sa matinding paso sa katawan ay binawian ng buhay ang ginang.
